ক্ৰিকেট খেলপথাৰত ভাৰত আৰু পাকিস্তানৰ দলৰ মাজত চলি আহিছে তীব্ৰ প্ৰতিযোগিতা। ২০২৪ চনতো দুয়োটা দলে ইজনে সিজনৰ মুখামুখি হৈছিল, য’ত প্ৰতিবাৰৰ দৰেই ভাৰতে জয়লাভ কৰিবলৈ সক্ষম হয়।
২০২৪ চনৰ টি-২০ বিশ্বকাপৰ সময়ত দুয়োৰে মাজত এই সংঘৰ্ষ সংঘটিত হৈছিল। গতিকে ২০২৪ চনটো দুয়োটা দলৰ বাবে কেনেকুৱা জানো আহক-
২০২৪ চনত টীম ইণ্ডিয়াৰ এটা শ্ৰেষ্ঠ বৰ্ষ পাৰ কৰাৰ আটাইতকৈ ডাঙৰ কাৰণটো হ’ল আই চি চি ট্ৰফী জয় কৰা। ভাৰতীয় দলটোৱে ২০২৪ চনৰ টি-২০ বিশ্বকাপত জয়লাভ কৰি ১১ বছৰীয়া অপেক্ষাৰ অন্ত পেলায়। এই ক্ষেত্ৰত টীম ইণ্ডিয়াৰ বাবে এই বৰ্ষটো অতি শুভ।
ভাৰতীয় দলটোৱে ২০২৪ত মুঠ ২৬খন টি-২০ আন্তঃৰাষ্ট্ৰীয় মেচ খেলিছে, য’ত দলটোৱে ২৪খন খেলত জয়লাভ কৰিছিল।
টি-২০ ইণ্টাৰনেশ্যনেলত এইবাৰ ঘৰুৱা দলটোৰ অভিলেখ উৎকৃষ্ট আছিল যদিও এদিনীয়া ক্ৰিকেটত মেন ইন ব্লুৰ বাবে এই বছৰটো অশুভ বুলি প্ৰমাণিত হয়। ২০২৪ চনত ভাৰতে মাত্ৰ তিনিখন এদিনীয়া খেল খেলিছিল, য’ত ১ খন মেচতো জয়ী হোৱা নাছিল। টীম ইণ্ডিয়াই ৩খন এদিনীয়া খেলৰ ভিতৰত ২ খন খেলত পৰাস্ত হয় আৰু বাকী ১খন মেচ সমতাত থাকে।
২০২৪ চনত টীম ইণ্ডিয়াই মুঠ ১৪ খন টেষ্ট খেলিবলগীয়া হৈছে। ২৬ ডিচেম্বৰৰ পৰা মেলবৰ্ণত অষ্ট্ৰেলিয়াৰ বিৰুদ্ধে অষ্ট্ৰেলিয়াৰ বিৰুদ্ধে খেলিব এই দলটোৱে। ১৪ খন টেষ্টত টিম ইণ্ডিয়াই ৮ খনত জয়লাভ কৰি ৫ খনত পৰাস্ত হয় আৰু বাকী ১ খন ড্ৰ’ত সমাপ্ত হয়।
পাকিস্তানে চলিত বৰ্ষত বৰ্তমানলৈকে ২৭ খন টি-২০ ইণ্টাৰনেশ্যনেল মেচ খেলিছে, ৯খন খেলত জয়ী আৰু ১৬খন মেচত পৰাস্ত হৈছে। বাকী এখন মেচ ড্ৰ’ হৈছে।
২০২৪ চনত পাকিস্তানে এতিয়ালৈকে ৮খন এদিনীয়া খেলিছে, ৬খনত জয়লাভ কৰিছে আৰু ২খনত পৰাস্ত হৈছে। ২০২৪ বৰ্ষত পাকিস্তানে ৬খন টেষ্ট খেলিছে, মাত্ৰ ২খন টেষ্টত জয়লাভ কৰিছে আৰু ৪খনত পৰাস্ত হৈছে।
