ভাৰতৰ ক্ৰিকেট নিয়ন্ত্ৰণ ব’ৰ্ড (বিচিচিআই)য়ে ২০২৬ চনত নিউজিলেণ্ডৰ বিৰুদ্ধে অনুষ্ঠিত হ’বলগীয়া এদিনীয়া আৰু টি-২০ শৃংখলাৰ সময়সূচী ঘোষণা কৰে। অহা ১৮ জানুৱাৰীত ইন্দোৰত অনুষ্ঠিত হ’ব ভাৰত-নিউজিলেণ্ড আন্তঃৰাষ্ট্ৰীয় একদিনীয়া ক্ৰিকেট মেচ।
১৫ বছৰতকৈও অধিক সময়ৰ পাছত পুৰুষৰ প্ৰথমখন আন্তঃৰাষ্ট্ৰীয় খেলৰ আয়োজন কৰা হ’ব বডোদৰাত। ইতিমধ্যে ২০২৪ চনৰ ডিচেম্বৰ মাহত ভাৰত আৰু ৱেষ্ট ইণ্ডিজৰ মাজৰ মহিলাৰ এদিনীয়া খেল অনুষ্ঠিত কৰা নৱনির্মিত কোটাম্বি ষ্টেডিয়ামত ১১ জানুৱাৰীত অনুষ্ঠিত হ’বলগীয়া প্রথমখন এদিনীয়াৰ জৰিয়তে নিউজিলেণ্ড-ভাৰতৰ এই ছিৰিজ আৰম্ভ হ’ব৷
বৰ্তমান ভাৰতীয় মুখ্য প্ৰশিক্ষক গৌতম গম্ভীৰ সেই মেচত প্লেয়াৰ অৱ দ্য মেচ আছিল। তেওঁ শতক আৰু বিৰাট কোহলীয়ে অপৰাজিত ৬৩ ৰান সংগ্ৰহ কৰে।
নিউজিলেণ্ডে ২০২৫-২৬ বৰ্ষৰ ভাৰত ভ্ৰমণত তিনিখন এদিনীয়া আৰু ৫ খন টি-২০ মেচ খেলিব। মাৰ্চ মাহত অনুষ্ঠিত হ’বলগীয়া চেম্পিয়নছ ট্ৰফীৰ ফাইনেলত নিউজিলেণ্ডৰ বিৰুদ্ধে ভাৰতে জয়লাভ কৰাৰ পাছত এইবাৰ দুয়োটা দলে মুখামুখি হ’ব। বদোদৰাৰ পিছত দলসমূহ গুজৰাটত থাকিব। ১৪ জানুৱাৰীত ৰাজকোটত অনুষ্ঠিত হ’ব দ্বিতীয়খন এদিনীয়া।ইয়াৰ পিছত ১৮ জানুৱাৰীত ইন্দোৰত সমাপ্ত হ’ব এদিনীয়া শৃংখলা।
মধ্য ভাৰতত অৱস্থিত নাগপুৰত (২১ জানুৱাৰী) আৰু ৰায়পুৰত (২৩ জানুৱাৰী) প্ৰথম দুখন টি-২০ মেচ অনুষ্ঠিত হ’ব। ইয়াৰ পিছত দলসমূহে ভ্ৰমণৰ সামৰণিৰ বাবে দক্ষিণ দিশলৈ যোৱাৰ পূৰ্বে পূব দিশলৈ গতি কৰিব। গুৱাহাটীত (২৫ জানুৱাৰী), বিশাখাপট্টনমত (২৮ জানুৱাৰী) আৰু তিৰুৱনন্তপুৰমত (৩১ জানুৱাৰী) তৃতীয়, চতুৰ্থ আৰু পঞ্চমখন টি-২০ খেল অনুষ্ঠিত হ’ব।
