২০২৭ চনৰ বিশ্বকাপ আৰম্ভ হ’বলৈ এতিয়াও যথেষ্ট সময় আছে যদিও ভাৰতীয় খেলুৱৈসকলে ইতিমধ্যে দলত স্থান নিশ্চিত কৰাৰ বাবে কঠোৰ পৰিশ্ৰম কৰি আছে। পৰৱৰ্তী বিশ্বকাপৰ বাবে তাৰকা ভাৰতীয় খেলুৱৈ বিৰাট কোহলী আৰু ৰোহিত শৰ্মাৰ নাম এতিয়াও নিশ্চিত হোৱা নাই।
ইফালে আকৌ ভাৰতৰ অল ৰাউণ্ডাৰ বলাৰ শ্বাৰদুল ঠাকুৰ বিশ্বকাপ ২০২৭ৰ বাবে দলত নিজৰ স্থান নিশ্চিত কৰিবলৈ আগ্ৰহী।
শাৰদুল ঠাকুৰক শেষবাৰৰ বাবে ২০২৩ চনৰ বিশ্বকাপত বাংলাদেশৰ বিৰুদ্ধে এদিনীয়াত দেখা গৈছিল। প্ৰায় দুবছৰ ধৰি ভাৰতৰ এদিনীয়া দলৰ অংশ হোৱা নাই। অৱশ্যে তেতিয়াৰ পৰাই তেওঁক ধাৰাবাহিকভাৱে উপেক্ষা কৰি অহা হৈছে। এইবাৰ ইংলেণ্ড ভ্ৰমণৰ বাবে টেষ্ট দলত অন্তৰ্ভুক্ত হৈছিল যদিও ৱেষ্ট ইণ্ডিজৰ বিৰুদ্ধে টেষ্ট শৃংখলাত তেওঁক অন্তৰ্ভুক্ত কৰা হোৱা নাছিল।
বৰ্তমান ৰঞ্জি ট্ৰফীত মুম্বাইৰ অধিনায়ক হিচাপে আছে শাৰদুল ঠাকুৰ। শীঘ্ৰে শাৰদুলৰ দলত যোগদান কৰিব যশস্বী জয়ছোৱালে। শাৰদুলে কয় যে, জয়ছৱালে মুম্বাইৰ হৈ ৰঞ্জি ট্ৰফীৰ তৃতীয় ৰাউণ্ডত খেলিব। ইতিমধ্যে এদিনীয়া দলৰ ৮ নং স্থানৰ বাবে প্ৰতিদ্বন্দ্বিতা কৰিছে নীতিশ কুমাৰ ৰেড্ডী আৰু হৰ্ষিত ৰাণা। অষ্ট্ৰেলিয়াৰ বিৰুদ্ধে এদিনীয়া শৃংখলাত হৰ্ষিতক ৮ নং স্থানত বেটিং কৰা দেখা গৈছিল। ক’ব পাৰি যে হৰ্ষিত ৰাণাক যিটো পদৰ বাবে প্ৰস্তুত কৰা হৈছে, সেই পদত ঠাকুৰে নিজৰ দাবী বাজিত ৰাখিছে।
