মহিলা বিশ্বকাপ ২০২৫ৰ অন্তিমখন খেলত জয়লাভ কৰিছে ভাৰতীয় দলটোৱে। টীম ইণ্ডিয়াৰ এই জয়ে সমগ্ৰ দেশতে এক উদযাপনৰ পৰিৱেশ সৃষ্টি হয়। মহিলা বিশ্বকাপৰ ফাইনেলত দক্ষিণ আফ্ৰিকাক ৫২ ৰানত পৰাস্ত কৰে টীম ইণ্ডিয়াই।
ভাৰতীয় মহিলা দলৰ এই জয়ত পুৰুষ দলৰ তাৰকা খেলুৱৈ বিৰাট কোহলী আৰু ৰোহিত শৰ্মাইও অংশগ্ৰহণ কৰে। মুম্বাইৰ ড° ডি ৱাই পাটিল ষ্টেডিয়ামত চূড়ান্ত খেল চাবলৈ আহিছিল ৰোহিত শৰ্মাই। ভাৰতৰ বিজয়ৰ পিছত চকুলো টুকি থকা দেখা গ’ল ৰোহিতক। বিৰাট কোহলীয়েও দলটোৰ বাবে এক আৱেগিক পোষ্ট লিখে।
মহিলা বিশ্বকাপৰ ফাইনেলত দীপ্তী শৰ্মাই ৪৫ নং অভাৰত বলিং কৰিবলৈ সোমাইছিল আৰু সেই অভাৰৰ তৃতীয় বলত হৰমনপ্ৰীত কৌৰে বতাহত জপিয়াই বল ধৰিছিল আৰু টীম ইণ্ডিয়াৰ জয় নিশ্চিত কৰে। ভাৰতৰ জয়ৰ পিছত কেমেৰাই ভাৰতৰ এদিনীয়াৰ প্ৰাক্তন অধিনায়ক ৰোহিত শৰ্মাৰ ফালে পেন কৰাৰ সময়ত তেওঁক আকাশৰ ফালে চাই থকা দেখা গৈছিল। টিম ইণ্ডিয়াৰ বাবে হাত চাপৰি বজাই ৰোহিতৰ চকুত আনন্দৰ চকুলো টুকি উঠিল।
ফাইনেলত ভাৰতৰ জয়ৰ লগে লগে বিৰাট কোহলীয়ে সামাজিক মাধ্যমত লিখে যে, ভাৰতীয় মহিলা দলটো আগন্তুক প্ৰজন্মৰ বাবে প্ৰেৰণা। তেওঁলোকে নিজৰ নিৰ্ভাক প্ৰদৰ্শনেৰে প্ৰতিজন ভাৰতীয়ক গৌৰৱান্বিত কৰি তুলিছে। ভাৰতীয় দলক এই জয়ৰ বাবে অভিনন্দন দিয়ে বিৰাট কোহলীয়ে।
