প্ৰত্যেক বছৰে ভাৰতৰ পৰা বৃহৎ সংখ্যক তীৰ্থযাত্ৰী ছৌদি আৰবলৈ গৈ হজলৈ যাত্ৰা কৰে। চৰকাৰে হজ কোটা সন্দৰ্ভত সংসদক জনাইছে যে, ২০২৫ বৰ্ষৰ বাবে ছৌদি আৰবে ১ লাখ ৭৫ হাজাৰ ২৫ জন ভাৰতীয় তীৰ্থযাত্ৰীৰ বাবে হজ কোটা নিৰ্ধাৰণ কৰিছে।
চৰকাৰে ৰাজ্যসভাত জনোৱা মতে, ছৌদি আৰবে ২০২৫ চনৰ বাবে ১,৭৫,০২৫ ভাৰতীয় তীৰ্থযাত্ৰীৰ হজ কোটা নিৰ্ধাৰণ কৰিছে, যিটো কোটা ভাৰতৰ হজ কমিটি আৰু হাজ গ্ৰুপ অৰ্গেনাইজাৰ (এইচ জি অ’)ৰ মাজত বিতৰণ কৰা হৈছে।
সংখ্যালঘু পৰিক্ৰমা মন্ত্ৰী কিৰেন ৰিজিজুৱে ৰাজ্যসভাত এক প্ৰশ্নৰ লিখিত উত্তৰত এই তথ্য প্ৰদান কৰে। তেওঁ কয় যে, ২০২৫ চনৰ কোটা ভাৰতৰ হজ কমিটি আৰু এইচ জি অ’ৰ মাজত ৭০:৩০ অনুপাতত ভাগ কৰা হ’ব। লগতে তেওঁ কয় যে, হজ ২০২৫ৰ বাবে এইচ জি অ’সমূহক আবণ্টিত হজ তীৰ্থযাত্ৰীৰ কোটা ভাৰতৰ মুঠ ১,৭৫,০২৫ জনৰ কোটাৰ ৩০ শতাংশ (৫২,৫০৭)। হজ কোটা আবণ্টন আৰু হজ গোটৰ সংগঠকসকলৰ সৈতে জড়িত চৰ্তসমূহ বিভিন্ন স্থল বাস্তৱতাক লক্ষ্য কৰি ভাৰত আৰু চৌদি আৰৱৰ মাজত হোৱা দ্বিপাক্ষিক চুক্তিৰ দ্বাৰা পৰিচালিত হয়।
লগতে কিৰেন ৰিজিজুৱে কয় যে, বিগত পাঁচ বছৰত হজ কমিটি আৰু হজ গ্ৰুপৰ মাজত ৭০:৩০ আৰু ৮০:২০ৰ ভিত্তিত কোটা বিতৰণ কৰা হৈছে। ২০২৪ আৰু ২০২৩ চনতো চৌদি আৰবে ১,৭৫,০২৫ জন ভাৰতীয় তীৰ্থযাত্ৰীৰ বাবে হজ কোটা নিৰ্ধাৰণ কৰিছিল। আনহাতে ২০১৯ চনত চৌদি আৰবে ভাৰতীয় তীৰ্থযাত্ৰীৰ কোটা বৃদ্ধি কৰি ২ লাখলৈ বৃদ্ধি কৰিছিল।
কিৰেন ৰিজিজুৱে কৈছিল, হজ প্ৰশাসনত কৰা অন্যতম ডাঙৰ সংস্কাৰ হৈছে ৪৫ বছৰ আৰু তাৰ ওপৰৰ মুছলমান মহিলাসকলক এল ডব্লিউ এম শ্ৰেণীৰ অধীনত মেহৰাম (ভাই, পিতৃ, স্বামী) অবিহনে হজ কৰিবলৈ দিয়া। ২০২৪ চনত সৰ্বকালৰ সৰ্বোচ্চ সংখ্যক ৪৫৫৮ গৰাকী মহিলাই এল ডব্লিউ এম শিতানৰ অধীনত হজ কৰিছিল আৰু হজ-২০২৫ চনত এল ডব্লিউ এমৰ বাবে হজক অধিক সুলভ কৰি তোলাৰ প্ৰচেষ্টা চলোৱা হ’ব।
হজযাত্ৰা সন্দৰ্ভত সংখ্যালঘু পৰিক্ৰমা মন্ত্ৰী কিৰেন ৰিজিজুৱে ইতিমধ্যে কৈছিল যে, ভাৰতৰ বৃহৎ সংখ্যক মুছলমান লোকে হজযাত্ৰা কৰিবলৈ যায়। এনে পৰিস্থিতিত হজ সন্দৰ্ভত সু-ব্যৱস্থা থকাটো উচিত। ছৌদি আৰবে প্ৰত্যেক বছৰে হজযাত্ৰীৰ বাবে কোটা জাৰি কৰে। দেশৰ মুছলমান জনসংখ্যা অনুসৰি ছৌদি আৰবে কোটা জাৰি কৰে। ছৌদি আৰবে যোৱা কেইবছৰমানৰ পৰা ভাৰতলৈ অহা তীৰ্থযাত্ৰীৰ সংখ্যা ১ লাখ ৭৫ হাজাৰৰ পৰা ২ লাখ কৰি ৰাখিছে।
