আন্তঃৰাষ্ট্ৰীয় কেৰিয়াৰৰ প্ৰথমখন এদিনীয়া মেচত হৰ্ষিত ৰানাই চমকপ্ৰদ প্ৰদৰ্শনেৰে বিশেষ কৃতিত্ব গঢ়িবলৈ সক্ষম হৈছে। আজিৰ পৰা ভাৰত আৰু ইংলেণ্ডৰ মাজত আৰম্ভ হোৱা নাগপুৰ এদিনীয়াত হৰ্ষিতক অভিষেক ঘটোৱাৰ সুযোগ দিছে ভাৰতে।
এই মেচখনত প্ৰথমে বেটিং কৰা ইংলেণ্ডৰ তিনিটা উইকেট দখল কৰে হৰ্ষিত ৰানাই।
নাগপুৰ এদিনীয়াত হৰ্ষিত ৰানাই ৰচিলে ইতিহাস। আন্তঃৰাষ্ট্ৰীয় ক্ৰিকেটৰ তিনিওটা ফৰ্মেটৰে অভিষেক মেচত তিনিটা বা তাতোকৈ অধিক উইকেট দখল কৰা প্ৰথমগৰাকী ভাৰতীয় ক্ৰিকেটাৰ হিচাপে পৰিগণিত হয় ৰানা।
ভাৰতে নাগপুৰ এদিনীয়াত ইংলেণ্ডক ২৪৮ ৰানত অলআউট কৰিবলৈ সক্ষম হয়। ভাৰতৰ হৈ হৰ্ষিতে ৭ অভাৰত ৫৩ ৰান খৰচ কৰি ৩টা উইকেট দখল কৰে।
হৰ্ষিত ৰানাই অভিষেক টি-২০ মেচখনতো ইংলেণ্ডৰ বিৰুদ্ধে পুণেত ৩৩ ৰানত তিনিটা উইকেট লাভ কৰিছিল। আনহাতে অভিষেক টেষ্ট মেচতো তেওঁ তিনিটা উইকেট লাভ কৰিছিল। অলপতে অষ্ট্ৰেলিয়াৰ ভূমিত অনুষ্ঠিত হোৱা ব’ৰ্ডাৰ-গাভাস্কাৰ ট্ৰফীত তেওঁৰ অভিষেক ঘটিছিল।
