মহিলাসকলৰ কেতিয়া খং উঠে আৰু কেতিয়া সুখী হয় সেয়া অনুমান কৰাটো টান। কিয়নো যিকোনো সময়তে তেওঁলোকৰ মেজাজ সলনি হৈ যায়। কেতিয়াবা হাঁহি হাঁহি কান্দিবলৈ আৰম্ভ কৰে আৰু কেতিয়াবা কোনো কাৰণ নোহোৱাকৈ খিংখিঙীয়া হৈ পৰে।
স্ত্ৰীৰোগ বিশেষজ্ঞৰ মতে মহিলাৰ ঋতুচক্ৰ ইষ্ট্ৰজেন, প্ৰজেষ্টেৰন, লুটিনাইজিং হৰম’ন আৰু ফোলিকল ষ্টিমুলেটিং হৰম’নৰ দ্বাৰা নিয়ন্ত্ৰিত হয়।
ঋতুস্ৰাৱৰ সময়ত মেজাজৰ দোলাচলক প্ৰিমেনষ্ট্ৰুৱেল চিণ্ড্ৰম (PMS) বোলা হয়। এই সময়ত মহিলাসকলৰ মেজাজৰ পৰিৱৰ্তন অহৰহ হৰম’নৰ উঠা-নমাৰ বাবে হয়। এই সময়ছোৱাত তেওঁলোকে টেনচন, উদ্বেগ, হতাশা, খং, অনিদ্ৰা, মূৰৰ বিষ, ভাগৰ, গাঁঠিৰ বিষ, স্তন টান, ওজন বৃদ্ধি, কোষ্ঠকাঠিন্য আৰু খাদ্যৰ লোভ আদি সমস্যাৰ সন্মুখীন হ’ব পাৰে। বহু মহিলাৰ মিঠাইৰ প্ৰতি আকৰ্ষণ যথেষ্ট বাঢ়ি যায়।
এইসকলোবোৰৰ কাৰণ আৰু ইয়াক নিয়ন্ত্ৰণৰ উপায় জনো আহক-
পিৰিয়ডৰ সময়ত মিঠাইৰ বাবে হাহাকাৰ
বহু মহিলাই মাহেকীয়াৰ সময়ত বহুত মিঠা খাদ্য খায় (Sugar Cravings During Periods)। স্বাস্থ্য বিশেষজ্ঞসকলে পৰামৰ্শ দিয়ে যে, এই সময়ছোৱাত মিঠাই, চেনিযুক্ত খাদ্য আৰু জাংক ফুড যিমান পাৰি কমকৈ গ্ৰহণ কৰিব লাগে, কাৰণ ইয়াৰ ফলত তেওঁলোকৰ মাহেকীয়াৰ লক্ষণসমূহ যথেষ্ট ভয়াৱহ হ’ব পাৰে, কিন্তু কিছুমান মহিলাৰ মিঠাইৰ প্ৰতি ইমানেই হেঁপাহ থাকে যে তেওঁলোকে মিঠাই খোৱাৰ পৰা নিজকে ৰখাব নোৱাৰে।
পিৰিয়ডৰ সময়ত চেনিৰ প্ৰতি লোভৰ কাৰণ-
- হৰম’নৰ ভাৰসাম্যহীনতা
- প্ৰিমেনষ্ট্ৰুৱেল চিণ্ড্ৰম বা পিৰিয়ডৰ কাৰণ
- চেৰ’টনিন হৰম’ন হ্ৰাস পালে মিঠাইৰ প্ৰতি ইচ্ছা বাঢ়িব পাৰে।
- কেতিয়াবা শৰীৰৰ কিছু অভাৱৰ বাবে চেনিৰ প্ৰতি লোভ বাঢ়িব পাৰে।
পিৰিয়ডৰ সময়ত চেনিৰ প্ৰতি লোভ নিয়ন্ত্ৰণ কৰাৰ উপায়-
- কেৱল আঁহ আৰু প্ৰটিনযুক্ত খাদ্যহে খাব লাগে। এনে কৰিলে পেট ভৰি থাকে।
- ঘৰত মিঠাই, মিঠা খাদ্য, চকলেট ৰাখিব নালাগে। ইয়াৰ দ্বাৰা চেনিৰ লোভ কমোৱাত সহায়ক হ’ব পাৰে।
- লগতে জাংক, প্ৰচেছড ফুড, ফ্ৰাইড আৰু নিমখীয়া খাদ্য খোৱাৰ পৰা বিৰত থাকিব লাগে।
- গাখীৰ আৰু ইয়াৰ উৎপাদিত সামগ্ৰী যেনে দৈ, মাখন সেৱন কৰিব নালাগে।
