প্লেটলেট হৈছে তেজত থকা কণা, যাৰ সহায়ত তেজৰ গোট গঠন হয়। যদি তেজত ইয়াৰ পৰিমাণ কমিবলৈ আৰম্ভ কৰে, তেন্তে তেজৰ গোট গঠনত সমস্যা হ’ব পাৰে।
এই সন্দৰ্ভত বিশেষজ্ঞসকলে কৈছে যে, এনে অৱস্থাত ব্যক্তি এজনৰ শৰীৰৰ পৰা বহু তেজ ওলাব পাৰে, যাৰ ফলত ব্যক্তিজনৰ মৃত্যু পৰ্যন্ত হ’ব পাৰে। সেয়েহে ব্যক্তি এজনৰ দেহত সঠিক পৰিমাণে প্লেটলেট থাকিব লাগে। এজন সুস্থ ব্যক্তিৰ তেজত থকা প্লেটলেটৰ মাত্ৰা প্ৰতি মাইক্ৰ’লিটাৰত ১,৫০,০০০ৰ পৰা ৪,৫০,০০০ হ’ব লাগে। যদি এই সংখ্যা ইয়াৰ তললা যায়, তেন্তে ৰক্তক্ষৰণৰ দৰে সমস্যা হ’ব পাৰে।
যেতিয়া শৰীৰত প্লেটলেটৰ সংখ্যা কমি যায়, তেতিয়া শৰীৰত বহু ধৰণৰ লক্ষণে দেখা যায়। এই লক্ষণসমূবৰ বিষয়ে সঠিকভাৱে জানো আহক-
- ছালৰ নীলা ৰং
প্লেটলেটৰ সংখ্যা কম হোৱাৰ প্ৰথম আৰু সাধাৰণ লক্ষণ হ’ব পাৰে শৰীৰৰ যিকোনো অংশত কোনো ধৰণৰ আঘাত নোহোৱাকৈ নীলা, বেঙুনীয়া বা ক’লা দাগ থকা। ছালৰ তলত তেজ জমা হোৱাৰ ফলত এই চিনবোৰ গঠন হয়, যাৰ ফলত শৰীৰৰ তেজ জমা হোৱাৰ ক্ষমতা কমি অহাৰ ইংগিত পোৱা যায়।
- ছালত সৰু সৰু ৰঙা ফোঁহা ওলোৱা
যেতিয়া তেজত প্লেটলেট কমি যায়, তেতিয়া ছালত সৰু সৰু ফোঁহাই দেখা দিয়ে। এই ফোঁহা সাধাৰণতে ভৰি, বা শৰীৰৰ তলৰ অংশত দেখা দিয়ে। এইবোৰ ৰঙা বা বেঙুনীয়া ৰঙৰ সৰু সৰু দাগ, যিবোৰ ছালৰ তলত মাইক্ৰ’ ব্লিডিঙৰ ফলত সৃষ্টি হয়। বহুতেই এইবোৰক ফোঁহা বা এলাৰ্জী বুলি ভাবি প্ৰায়ে আওকাণ কৰে।
- নাক আৰু দাঁতৰ পৰা সঘনাই তেজ ওলোৱা
যদি কোনো কাৰণ নোহোৱাকৈ নাকৰ পৰা সঘনাই তেজ ওলায় বা ব্ৰাছ কৰাৰ সময়ত দাঁতৰ পৰা তেজ ওলায়, তেন্তে ই প্লেটলেটৰ অভাৱৰ লক্ষণ হ’ব পাৰে। স্বাভাৱিক পৰিস্থিতিত এই অংগবোৰৰ পৰা সোনকালে ৰক্তক্ষৰণ নহয়, কিন্তু প্লেটলেট কমি গ’লে শৰীৰৰ ৰক্তক্ষৰণ বন্ধ কৰাৰ ক্ষমতা কমি যায়।
- ক্লান্তি আৰু দুৰ্বলতা
শৰীৰত প্লেটলেটৰ অভাৱে ৰোগ প্ৰতিৰোধ ক্ষমতাতো প্ৰভাৱ পেলায়। ইয়াৰ প্ৰত্যক্ষ প্ৰভাৱ শৰীৰৰ শক্তিৰ ওপৰত পৰে, যাৰ বাবে মানুহে কঠোৰ পৰিশ্ৰম নকৰিলেও সকলো সময়তে ভাগৰুৱা অনুভৱ কৰে। এই লক্ষণ এটা গুৰুতৰ ৰোগৰ লক্ষণো হ’ব পাৰে।
- মল বা প্ৰস্ৰাৱত তেজ
যদি মল বা প্ৰস্ৰাৱত তেজ দেখা যায়, তেন্তে শৰীৰৰ ভিতৰৰ অংশতো ৰক্তক্ষৰণ হোৱাৰ লক্ষণ। এইটো অতি গুৰুতৰ অৱস্থা হ’ব পাৰে আৰু লগে লগে চিকিৎসকৰ সৈতে যোগাযোগ কৰিব লাগে।
