আমাৰ ছালৰ বাবে কল অতি উপকাৰী। কলত এনেধৰণৰ উপাদান থাকে, যিয়ে ছালখনক প্ৰাকৃতিকভাৱে সুন্দৰ কৰি তোলে। কলত প্ৰচুৰ পৰিমাণে ভিটামিন আৰু খনিজ পদাৰ্থ থাকে। ইয়াত পটাছিয়াম, কেলচিয়াম আৰু জিংক আদি মৌলও থাকে। কলত উন্নত পৰিমাণৰ এন্টি-অক্সিডেন্টো পোৱা যায়। ই ছালৰ কোষ পৰিষ্কাৰ কৰি মুখখন উজ্জ্বল কৰি তোলাৰ লগতে ছালৰ লগত জড়িত বহু সমস্যাৰ পৰাও সকাহ দিয়ে।
কল ছালৰ বাবে এক আশীৰ্বাদ। বহু বস্তুৰ লগত কল মিহলাই ফেচ পেক বনাব পাৰি। কলৰ ফেচ পেক লগালে ছালৰ বহু সমস্যাৰ পৰা পৰিত্ৰাণ পোৱাত সহায় কৰে। গতিকে কলৰ পৰা ফেচ পেক বনোৱাৰ সহজ উপায় জানো আহক-
- যদি আপোনাৰ ছালখন তেলীয়া হয়, তেন্তে কলৰ লগত অমিতা, তিয়ঁহ আৰু দৈ মিহলাই তৈয়াৰ কৰা ফেচ পেক লগাব লাগে। ইয়াৰ ফলত ছাল তেলমুক্ত হয়। মুখখন পৰিষ্কাৰ আৰু উজ্জ্বল হৈ পৰে। অমিতা, তিয়ঁহ আৰু দৈৰ ফেচ পেক বনাবলৈ ২৫ গ্ৰাম অমিতা আৰু ২৫ গ্ৰাম তিয়ঁহ ১০০ গ্ৰাম দৈ মিহলাই ল’ব লাগিব। তাৰপিছত ফেচ পেকটো ১৫-২০ মিনিটৰ বাবে মুখত লগাব লাগিব। তাৰ পিছত পৰিষ্কাৰ পানীৰে মুখখন ধুব লাগে।
- নাৰিকল তেল আৰু মৌৰ লগত কল মিহলাই ফেচ পেক তৈয়াৰ কৰা হয়। মৌৱে ছালখন উজ্জ্বল কৰি তোলে আৰু নাৰিকল তেলে ছালখন আৰ্দ্ৰ কৰি তোলে। এই ফেচ পেকটো মুখত ১৫-২০ মিনিট লগালে ছালখন জিলিকি উঠে আৰু ইয়াৰ শুকানতা নাইকিয়া হয়।
- নিম আৰু হালধীত বেক্টেৰিয়া প্ৰতিৰোধী গুণ আছে। যাৰ ফলত মুখৰ ক্ষতি কৰা বেক্টেৰিয়াবোৰ নাইকিয়া হয়। কলৰ পেষ্টত এচামুচ হালধী আৰু এচামুচ নিম পাউদাৰ ভালদৰে মিহলাই ল’ব লাগিব। এই ফেচ পেকটো মুখত লগাব লাগে। ২০ মিনিট ৰাখি তাৰ পিছত পৰিষ্কাৰ পানীৰে ধুব লাগিব। এই ফেচ পেক লগালে পিম্পলৰ সমস্যা নাইকিয়া হয়।
- কলৰ লগত কিছু দৈ মিহলাই পেষ্ট বনাই লব লাগিব। ছালৰ বাবেও দৈ উপকাৰী। দৈ-কলৰ ফেচ পেকৰ সহায়ত ছালৰ বলিৰেখাবোৰ নাইকিয়া হৈ ছালখন কোমল হৈ জিলিকিবলৈ আৰম্ভ কৰে। এই ফেচ পেকটো মুখ আৰু ডিঙিত ২০ মিনিট ৰাখি তাৰ পিছত কুহুমীয়া পানীৰে ধুব লাগে। ইয়াৰ ফলত ছাল মসৃণ হয়।
