বহু সময়ত আমি ব্যস্ততাত আৱদ্ধ হৈ থাকিব লগা হয়। ভুল সময়ত সঠিক খাদ্য খোৱাটোৱে আমাৰ পেটত বহুত অসুবিধাৰ সৃষ্টি কৰিব পাৰে। একেদৰে দিনটোৰ আৰম্ভণিতে সঠিক খাদ্যৰ বাছনিৰে কৰাটো গুৰুত্বপূৰ্ণ।
ৰাতিপুৱা খালী পেটত কি কি খাদ্যগ্ৰহণ কৰিব নালাগে জানো আহক-
কল
ৰাতিপুৱা খালী পেটত কল খালে ই কোষ্ঠকাঠিন্য দূৰ কৰাত সহায় কৰে বুলি কোৱা হয়। কিয়নো ইয়াত বিভিন্ন ধৰণৰ ভিটামিন আৰু খনিজ পদাৰ্থ থাকে। তথাপিও কলে ইয়াৰ উপকাৰিতাৰ তুলনাত অধিক অসুবিধাৰহে সৃষ্টি কৰিব পাৰে। কলত প্ৰচুৰ পৰিমাণে মেগনেছিয়াম আৰু পটাছিয়াম থাকে, যি খালী পেটত খালে তেজত মেগনেছিয়াম আৰু পটাছিয়ামৰ ভাৰসাম্যহীনতা সৃষ্টি কৰিব পাৰে।
কফি
খালী পেটত কফি খালে শৰীৰত এচিডিটিৰ মাত্ৰা বৃদ্ধি পায়। এই সোৱাদযুক্ত পানীয়ৰ বাবেই দিনটোৰ বদহজম আৰু হৃদস্পন্দন অনুভৱ কৰিব পাৰে। গতিকে ৰাতিপুৱাৰ লগে লগে কফি খোৱাৰ আগতে কিবা এটা খোৱাটোৱেই উত্তম।
দৈ
দৈ প্ৰটিন, ভিটামিন আৰু খনিজ পদাৰ্থৰ শক্তিশালী স্থান। বহু ভাৰতীয় ঘৰত ইয়াক নিয়মিতভাৱে সেৱন কৰা হয়। ঘৰতে বনোৱা দৈয়েই হওক বা দোকানৰ পৰা কিনা দৈয়েই হওক, খালী পেটত ইয়াক ৰখাৰ পৰা বিৰত থাকিব লাগে কাৰণ ইয়াত লেক্টিক এচিড থাকে। খালী পেটত গ্ৰহণ কৰিলে পেটত থকা এচিডৰ বাবে লেক্টিক এচিড বেক্টেৰিয়াই আপোনাক যথেষ্ট অপকাৰ কৰে। গতিকে ইয়াক চাপতি, ফলমূল আদি পুষ্টিকৰ খাদ্যৰ লগত খালে ভাল।
বিলাহী
বিলাহীত টেনিক এচিড থাকে, যিয়ে গেষ্ট্ৰিক এচিডৰ সৈতে বিক্ৰিয়া কৰি পেটৰ বিষ আৰু অস্বস্তিৰ সৃষ্টি কৰে বুলি জনা যায়। সেয়েহে বিলাহী দুপৰীয়াৰ আহাৰ গ্ৰহণৰ সময়ত চালাডত খোৱাটোৱেই উত্তম।
কেঁচা সেউজীয়া শাক-পাচলি
কেঁচা সেউজীয়া শাক-পাচলি অদ্ৰৱণীয় আঁহৰ সমৃদ্ধ উৎস ৰাতিপুৱা খালী পেটত বৃহৎ পৰিমাণে খালে বদহজম, পেট ফুলা, কোষ্ঠকাঠিন্য আদি সমস্যাৰ সৃষ্টি হ’ব পাৰে।
