WWEৰ কিম্বদন্তী মল্লযুঁজাৰু হাল্ক হোগানৰ ৭১ বছৰ বয়সত মৃত্যু হয়। হৃদযন্ত্ৰৰ ক্ৰিয়া বন্ধ হোৱাৰ বাবে হাল্কৰ মৃত্যু হোৱা বুলি জানিব পৰা গৈছে।
বৃহস্পতিবাৰে পুৱা তেওঁ স্বাস্থ্যজনিত সমস্যাত ভুগিছিল। ইয়াৰ পিছত তেওঁক চিকিৎসা সাহায্য প্ৰদান কৰা হয় যদিও চিকিৎসকে তেওঁৰ প্ৰাণ ৰক্ষা কৰিব নোৱাৰিলে।
উল্লেখ্য যে, হাল্ক হোগানে নিজৰ মল্লযুঁজ আৰু ব্যক্তিত্বৰ বাবে ১৯৮০ আৰু নব্বৈৰ দশকত জনপ্ৰিয় হৈ পৰিছিল। তেওঁ চিনেমাতো কাম কৰিছিল আৰু নিজৰ পৰিচয় নিজেই গঢ়ি তুলিছিল।
১৯৫৩ চনৰ ১১ আগষ্টত জৰ্জিয়াৰ অগাষ্টাত জন্মগ্ৰহণ কৰা হাল্ক আছিল পেছাদাৰী মল্লযুঁজৰ ইতিহাসৰ অন্যতম চিনাকি ব্যক্তি। ২০০৫ চনত এবাৰ একক অংশগ্ৰহণকাৰী হিচাপে আৰু তাৰ পিছত ২০২০ চনত nWo ৰ সদস্য হিচাপে দুবাৰকৈ WWE হল অৱ ফেমত অন্তৰ্ভুক্ত হয়।
ইফালে এই কিম্বদন্তী মল্লযুঁজাৰুগৰাকীৰ মৃত্যুত WWEৰ তৰফৰ পৰা শোকপ্ৰকাশ কৰি এয়া এক অত্যন্ত দুখজনক খবৰ বুলি মন্তব্য কৰে।
