উৎকট গৰমে দহিছে ৰাজ্যবাসীক। গৰমৰ পৰা পৰিত্ৰাণ পাবলৈ জনসাধাৰণে বিভিন্ন পন্থা অৱলম্বন কৰা পৰিলক্ষিত হৈছে। ইয়াৰ মাজতে আহিছে ভাল খবৰ। কিয়নো বতৰ বিজ্ঞান বিভাগে জনাইছে ভাল খবৰ।
বতৰ বিজ্ঞান বিভাগে ৰাজ্যৰ ১৭ খন জিলাত হালধীয়া সতৰ্কবাণী জাৰি কৰিছে। বতৰ বিজ্ঞান বিভাগৰ মতে, এইকেইখন জিলাত ধাৰাসাৰ বৰষুণ হোৱাৰ সম্ভাৱনা আছে।
বতৰ বিজ্ঞান বিভাগে হালধীয়া সতৰ্কবাণী জাৰি কৰা জিলাসমূহ হ’ল, কামৰূপ(মহানগৰ), কামৰূপ, নগাঁও, চিৰাং, বাক্সা, বঙাইগাঁও, বৰপেটা, মৰিগাঁও, শোণিতপুৰ, বিশ্বনাথ, কাৰ্বি আংলং, গোলাঘাট, মাজুলীত ধাৰাষাৰ বৰষুণ হোৱাৰ সম্ভাৱনা আছে।
একেদৰে, শিৱসাগৰ, যোৰহাট, কাৰ্বি আংলং, ডিমা হাছাও জিলাতো ধাৰাষাৰ বৰষুণ হোৱাৰ সতৰ্কবাণী জাৰি কৰিছে বতৰ বিজ্ঞান বিভাগে।
উল্লেখ্য যে, বিগত কেইবাদিন ধৰি ৰাজ্যত তাপমাত্ৰা ৪০ ডিগ্ৰী অতিক্ৰম কৰিছে।
