বিশ্বৰ দুৰ্নীতিগ্ৰস্ত দেশৰ তালিকাত আহিছে ভাৰতৰ নাম। য’ত ভাৰত আছে ৯৬ নম্বৰত স্থানত। এক প্ৰতিবেদন অনুসৰি, ২০২৪ চনৰ দুৰ্নীতিৰ ধাৰণা (চিপিআই) সূচকাংকত ভাৰতৰ স্থান ৯৬ ত আছে।
জাৰ্মানীৰ এক সংস্থাৰ শেহতীয়া প্ৰতিবেদনত পোহৰলৈ আহিছে এই সত্য। ১৮০খন দেশক এই সমীক্ষাত অন্তৰ্ভুক্ত কৰা হৈছে। ডেনমাৰ্কে প্ৰথম স্থানত আছে। তাৰমানে দুৰ্নীতি তাত সৰ্বনিম্ন।
পূৰ্বে ভাৰতৰ স্থান আছিল ৯৩ নম্বৰত। ৩টা স্থান অবনমিত হৈ এইবাৰ ভাৰতৰ স্থান হৈছে ৯৬।ভাৰততকৈ আৰু পিছৰ স্থানত আছে পাকিস্তান আৰু বাংলাদেশ। সমীক্ষাত পাকিস্তানৰ স্থান হৈছে ১৩৫, বাংলাদেশৰ স্থান ১৫১।লগতে ভাৰতৰ চুবুৰীয়া দেশ শ্ৰীলংকা আছে ১২১ নম্বৰ স্থানত।
বিশ্বৰ সবাতোকৈ দুৰ্নীতিমুক্ত দেশৰ তালিকাৰ শীৰ্ষত ডেনমাৰ্ক।এই তালিকাৰ ২য় আৰু ৩য় স্থানত আছে নিউজিলেণ্ড আৰু ফিনলেণ্ড।
দুৰ্নীতিৰ ক্ষেত্ৰত ভাৰততকৈ পিছ পৰি আছে চুবুৰীয়া দেশ চীন। অৰ্থাৎ ভাৰততকৈ চীনৰ দুৰ্নীতি নিম্ন।
চীনৰ ৰেংকিং হৈছে ৭৬।
এই সমীক্ষাত সবাতোকৈ দুৰ্নীতিগ্ৰস্ত দেশৰ তালিকাৰ শীৰ্ষত আছে দক্ষিণ ছুডান আৰু ছোমালিয়া।
