দেশৰ কোন বিধায়ক সবাটোকৈ ধনী আৰু কোন বিধায়ক আটাইতকৈ দুখীয়া। ADRৰ তথ্যত পোহৰলৈ আহিছে এই তথ্য। মুম্বাইৰ পূব ঘাটকোপাৰ সমষ্টিক প্ৰতিনিধিত্ব কৰা বিজেপিৰ পৰাগ শ্বাহ প্ৰায় ৩৪০০ কোটি টকাৰ সম্পত্তিৰে ভাৰতৰ সৰ্বাধিক ধনী বিধায়ক। দ্বিতীয় স্থানত আছে কৰ্ণাটকৰ কনকাপুৰা সমষ্টিৰ কংগ্ৰেছ বিধায়ক ডি কে শিৱকুমাৰ। তেওঁৰ সম্পত্তিৰ পৰিমাণ ১৪১৩ কোটিতকৈ অধিক।
শেহতীয়া নিৰ্বাচনত প্ৰতিদ্বন্দ্বিতা কৰাৰ পূৰ্বে বিধায়কসকলে দাখিল কৰা স্বয়ং শপতনামাৰ বিশ্লেষণৰ ভিত্তিত এই এডিআৰ প্ৰতিবেদন প্ৰস্তুত কৰা হৈছে। এই অধ্যয়নত ২৮খন ৰাজ্যিক বিধানসভা আৰু তিনিখন কেন্দ্ৰীয় শাসিত অঞ্চলৰ ৪০৯২জন বিধায়কক সামৰি লোৱা হৈছিল।
শপতনামা পঢ়িব নোৱাৰা ২৪জন বিধায়ক আৰু খালী হৈ থকা ৭টা বিধানসভাৰ সমষ্টিৰ বিধায়কক এই প্ৰতিবেদনৰ পৰা আঁতৰত ৰখা হৈছে।
আটাইতকৈ কম সম্পত্তিৰ বিধায়কৰ শীৰ্ষত আছে পশ্চিম বংগৰ সিন্ধুৰ বিজেপি বিধায়ক নিৰ্মল কুমাৰ ধৰা। তেওঁৰ ঘোষিত সম্পত্তিৰ পৰিমাণ মাত্ৰ ১৭০০ টকা।
ধনী বিধায়কসকলৰ ভিতৰত উল্লেখযোগ্য ব্যক্তিসকলৰ ভিতৰত আছে-
এন চন্দ্ৰবাবু নাইডু, অন্ধ্ৰ প্ৰদেশৰ মুখ্যমন্ত্ৰীঃ ৯৩১ কোটি টকা
ৱাই এছ জগন মোহন ৰেড্ডী, অন্ধ্ৰপ্ৰদেশৰ প্ৰাক্তন মুখ্যমন্ত্ৰীঃ ৭৫৭ কোটি টকা
কৰ্ণাটকৰ নিৰ্দলীয় বিধায়ক কে এইচ পুত্তস্বামী গৌড়াঃ ১২৬৭ কোটি টকা
প্ৰিয়কৃষ্ণ, কংগ্ৰেছ বিধায়ক, কৰ্ণাটকঃ ১১৫৬ কোটি টকা
পি নাৰায়ণ, টিডিপি বিধায়ক, অন্ধ্ৰপ্ৰদেশঃ ৮২৪ কোটি টকা
ভি প্ৰশান্তি ৰেড্ডী, টিডিপি বিধায়ক, অন্ধ্ৰপ্ৰদেশঃ ৭১৬ কোটি টকা
