পৰমাণু বোমৰ ভয়ত হয়তো আমেৰিকা শিৰনত হ’ব পাৰে ইৰাণৰ সমুখত। এই পৰ্যন্ত ইৰাণৰ হাতত পৰমাণু শক্তি আছে নে নাই , সেয়া উদঘাটন কৰিব পৰা হোৱা নাই ট্ৰাম্প প্ৰশাসনে। কাৰণ ইৰাণে কৰা সৰ্বোচ্চ শক্তিৰ আক্ৰমণ প্ৰতিহত কৰিব পৰা নাই আমেৰিকাৰ সেনাই। ইছলামাবাদৰ বৈঠক সফল নোহোৱাৰ পিছতেই ইৰাণে লৈছে আন এক পদক্ষেপ। হৰমুজৰ সাগৰীয় পথ কেৱল ইৰাণৰ নিয়ন্ত্ৰণৰ অধীনত থাকিব।আমেৰিকাই যিমানেই শক্তি ব্যৱহাৰ কৰিব, সিমানেই ইৰাণে উচিত প্ৰত্যুত্তৰ দিব আমেৰিকাক। মোস্তাবা খামেইনিৰ এক বাৰ্তাই আলোড়ন তুলিছে বিশ্বত।
আন্তঃৰাষ্ট্ৰীয় সংবাদ মাধ্যম আল-জাজিৰাৰ মতে, ইৰাণৰ সমস্ত ৰণ কৌশল নিয়ন্ত্ৰণ কৰি আছে অসুস্থ মোস্তাবা খামেনেই। ইছলামাবাদত আছিফ মুনীৰৰ নেতৃত্বত হোৱা বৈঠকত ইৰাণ-আমেৰিকা-ইজৰাইলৰ একো সমাধান নোলোৱাত এক ভয়াৱহ পৰিস্থিতিয়ে বিৰাজ কৰিছে সমগ্ৰ বিশ্বত। আচলতে সঁচাকৈয়ে ইৰাণৰ হাতত আছে নেকি পৰমাণু শক্তি, তাকেই লৈ বাৰম্বাৰ ট্ৰাম্পে পৰীক্ষা কৰাৰ নামত অৰ্থশক্তি, সামৰিক শক্তি সকলো ব্যৱহাৰ কৰিছে ইৰাণৰ বিৰুদ্ধে।
এতিয়া যেন মধ্যপ্ৰাচ্যৰ যুদ্ধৰ উত্তেজনা আৰু বৃদ্ধি পোৱাৰ আশংকা কৰা হৈছে। আকৌ এবাৰ মধ্যপ্ৰাচ্যৰ উত্তেজনাৰ দামামাৰ জুই জ্বলাৰ পূৰ্ণ সম্ভাৱনা আছে। পুনৰ আমেৰিকা আৰু ইৰাণৰ মাজত আক্ৰমণ প্ৰত্যাহক্ৰমণ হোৱাৰ উকমুকনি বুলি ধাৰণা কৰিছে সকলোৱে। আকৌ হ’ব পাৰে আমেৰিকা আৰু ইৰাণৰ মাজত তৃতীয় বিশ্ব যুদ্ধ।
