কংগনা ৰানাৱটে তেওঁৰ ছবি ‘ইমাৰ্জেন্সি’ৰ মুক্তিত পলম হোৱাত আৰ্থিক চাপৰ বাবে নিজৰ মুম্বাইস্থিত বাংলোটো ৩২ কোটি টকাত বিক্ৰী কৰে। চেঞ্চৰৰ প্ৰমাণ পত্ৰৰ সমস্যাৰ বাবে এই ছবিখনৰ মুক্তি পিছুৱাই দিয়া হৈছিল। ২০১৭ চনত ২০.৭ কোটি টকাত ক্ৰয় কৰা এই সম্পত্তি অভিনেত্ৰীগৰাকীয়ে কমালীনী হোল্ডিংছক বিক্ৰী কৰি দিয়ে।
অভিনেত্ৰী-ৰাজনীতিবিদ কংগনা ৰাণাৱটে কয় যে চেঞ্চৰ বোৰ্ডৰ পৰা প্ৰমাণপত্ৰ পোৱাত পলম হোৱাৰ বাবে পৰিচালনা উদ্যোগে ‘ইমাৰ্জেন্সি’ৰ মুক্তি স্থগিত ৰখাৰ পিছত তেওঁ নিজৰ মুম্বাইস্থিত সম্পত্তি বিক্ৰী কৰিবলৈ বাধ্য হয়।
প্ৰাক্তন প্ৰধানমন্ত্ৰী স্বৰ্গীয় ইন্দিৰা গান্ধীৰ চৰিত্ৰটো ৰূপায়ন কৰা অভিনেত্ৰী কংগনা ৰাণাৱটে জানিবলৈ দিয়ে যে, এই ছবিখনৰ বাবে নিজৰ বহু কোটি টকাৰ ব্যক্তিগত সম্পত্তিও ছবিখনৰ নিৰ্মান কাৰ্যত ব্যৱহাৰ কৰিছিল কংগনাই। পিছে বৰ্তমানেও এই ছবিখন মুক্তি নোপোৱাত চিন্তিত হৈ পৰিছে বিজেপি সাংসদগৰাকী।
বলীউডৰ অভিনেত্ৰী কংগনা ৰাণাৱটে তেওঁৰ আহিবলগীয়া ছবি ‘ইমাৰ্জেন্সি’ৰ বিষয়ে আলোচনাত লিপ্ত হৈছে, যাৰ বাবে তেওঁ অলপতে মুম্বাইস্থিত নিজৰ বাংলোটো বিক্ৰী কৰিছে। কংগনাই এই বাংলোটো ৩২ কোটি টকাত বিক্ৰী কৰিছে, যিটো বান্দ্ৰাৰ পালি পাহাৰ অঞ্চলত আছিল।
এই সন্দৰ্ভত লোৱা এক সাক্ষাৎকাৰত কংগনাই কয় যে, বাংলোটো বিক্ৰী কৰাৰ এটা গুৰুত্বপূৰ্ণ কাৰণ আছে। তেওঁ ‘ইমাৰ্জেন্সি’ ছবিৰ মুক্তিৰ বাবে সঁচাকৈয়ে কঠোৰ পৰিশ্ৰম কৰিছিল। তেওঁ নিজৰ ব্যক্তিগত সম্পত্তিও এই ছবিখনৰ নামত খৰচ কৰিছিল। যাৰ বাবে এই ছবিখনৰ মুক্তি পিছুৱাই দিয়াৰ কাৰণে তেওঁ আৰ্থিক সংকটত ভুগি এই বাংলোটো বিক্ৰী কৰিব লগা হৈছে।
কংগনাই বাংলোটো ২০১৭ চনত ২০ কোটি টকাত ক্ৰয় কৰা হৈছিল। এই বাংলোটোত, কংগনাই ২০১৯ চনত তেওঁৰ প্ৰযোজনা গৃহ ‘মণিকৰ্ণিকা ফিল্মছ’ স্থাপন কৰিছিল। কিন্তু ২০২০ চনত, বিএমচিয়ে এই বাংলোটোৰ অবৈধ অংশটো ভাঙি পেলাইছিল। কংগনাই এই কাৰ্যৰ বাবে ক্ষতিপূৰণ দাবী কৰিছিল, যদিও পিছলৈ তেওঁ এই ধাৰণাটো বাদ দিছিল।
৬ ছেপ্টেম্বৰত মুক্তি পাবলগীয়া কংগনাৰ ছবি ‘ইমাৰ্জেন্সি’ চেঞ্চৰ বোৰ্ডৰ পৰা উচিত প্ৰমাণপত্ৰৰ অভাৱৰ বাবে পিছুৱাই দিয়া হৈছে। কংগনাই সামাজিক মাধ্যমত এই তথ্য প্ৰকাশ কৰে আৰু কয় যে অতি শীঘ্ৰেই নতুন মুক্তিৰ তাৰিখ ঘোষণা কৰা হ’ব। ইয়াৰ উপৰিও, কংগনাই ১.৫৬ কোটি টকা ব্যয়েৰে আন্ধেৰীত এটা নতুন কাৰ্যালয় ক্ৰয় কৰিছে। এই নতুন কাৰ্যালয়ৰ বাবে, কংগনাই তেওঁৰ পুৰণি সম্পত্তি বিক্ৰী কৰিছে যাতে তেওঁ তেওঁৰ নতুন কামত কোনো বাধা নাহে।
কংগনাই কয় যে, তেওঁ নিজৰ কেৰিয়াৰ আৰু চলচ্চিত্ৰৰ বাবে কঠোৰ পৰিশ্ৰম কৰিছে আৰু ইয়াৰ বাবে, তেওঁৰ ব্যক্তিগত সম্পত্তিৰ ওপৰতো বিপদ আশংকা আহি পৰিছে। পিছে আগন্তুক সময়ত, কংগনাই নিজৰ নতুন প্ৰকল্পৰ ওপৰত গুৰুত্ব দিব লগতে ‘ইমাৰ্জেন্সি’ চলচ্চিত্ৰখনৰ সফল মুক্তিৰ বাবে সাজু হৈছে বুলি জানিবলৈ দিয়ে। কংগনাই তেওঁৰ অনুৰাগীসকলক ধন্যবাদ জনাই আৰু আশ্বাস দিয়ে যে, তেওঁ অতি সোনকালেই নতুন প্ৰকল্পৰ সৈতে দৰ্শকৰ সন্মুখত আহিব।
