কৰিমগঞ্জ আৰক্ষীৰ বৃহৎ সফলতা। আৰক্ষীৰ অভিযানত ৪২ কোটি টকা মূল্যৰ নিচা জাতীয় সামগ্ৰীসহ দুজন সৰবৰাহকাৰী আটক হৈছে। পেটেল নগৰ এলেকাত এখন বলেৰো পিকআপ বাহনত তালাচী চলাই আৰক্ষীয়ে জব্দ কৰে ১ লাখ ২০ হাজাৰ য়াবা টেবলেট আৰু ৫৩৭ গ্ৰাম সন্দেহজনক হেৰ’ইন।
এই সংক্ৰান্তত ৰাতাবাৰী এলেকাৰ হানিফ উদ্দিন আৰু পাথাৰকান্দি এলেকাৰ জাবৰুল হুছেইনক আৰক্ষীয়ে আটক কৰিছে।
AS 11 EC 5666 নম্বৰৰ বলেৰো পিকআপ বাহনত গোপন চেম্বাৰ বনাই সৰবৰাহ কৰিছিল এই বৃহৎ পৰিমাণৰ নিচা জাতীয় সামগ্ৰীখিনি।
অসম ত্ৰিপুৰা সংযোগী ৮ নম্বৰ ৰাষ্ট্ৰীয় ঘাইপথত চলোৱা অভিযানত বাহনখনৰ চালকৰ আসনৰ তলৰ পৰা উদ্ধাৰ কৰিছে নিচাজাতীয় সামগ্ৰীখিনি।
জানিব পৰা অনুসৰি, ৪৫ টা চাবোনৰ বাকচত ৫৩৭ গ্ৰাম হেৰ’ইন জব্দ কৰে।
