বৃক্ক আমাৰ শৰীৰৰ অন্যতম গুৰুত্বপূৰ্ণ অংগ। বৃক্কই আমাৰ শৰীৰৰ তেজ পৰিষ্কাৰ কৰি শৰীৰৰ পৰা সকলো আৱৰ্জনা আঁতৰাই পেলায়। বৃক্কক সুৰক্ষা দিয়াটো আমাৰ বাবে অতি গুৰুত্বপূৰ্ণ। বৃক্কই শৰীৰৰ অশুদ্ধিবোৰ ফিল্টাৰ কৰি আমাক বহু ৰোগৰ পৰা ৰক্ষা কৰে।
বৃক্কৰ যিকোনো ক্ষতিৰ ফলত অশেষ স্বাস্থ্যজনিত সমস্যাৰ সৃষ্টি হ’ব পাৰে, গতিকে আমি বৃক্কৰ স্বাস্থ্যৰ প্ৰতি সচেতন হোৱা উচিত। বৃক্কৰ ক্ষতি হোৱাৰ পূৰ্বে আমাৰ শৰীৰত বহু পৰিৱৰ্তন ঘটে। জানো আহক এই পৰিৱৰ্তনসমূহ কি-
- যেতিয়া বৃক্কই সঠিকভাৱে কাম নকৰে, তেতিয়া বৃক্কৰ ফিল্টাৰিং প্ৰক্ৰিয়াত ব্যাঘাত জন্মে, যাৰ ফলত আমাৰ তেজত বিষাক্ত পদাৰ্থ জমা হয়, যিবোৰ আমাৰ ছালত প্ৰতিফলিত হ’ব পাৰে। ইয়াৰ ফলত ছালৰ খজুৱতি আৰু ছাল ৰুক্ষ হোৱাৰ দৰে সমস্যাৰ সৃষ্টি হ’ব পাৰে।
- বৃক্কৰ সমস্যাৰ ফলত শৰীৰত বিষাক্ত পদাৰ্থ আৰু খনিজ পদাৰ্থৰ মাত্ৰা বৃদ্ধি পায়, যাৰ ফলত আমাৰ পেশীবোৰত প্ৰভাৱ পৰে। বহুতে পেশীৰ তীব্ৰ বিষ অনুভৱ কৰে।
- এজন সুস্থ প্ৰাপ্তবয়স্কই সাধাৰণতে দৈনিক ৭-৮ ঘণ্টা টোপনি যায়, কিন্তু যদি এনেকুৱা নহয় তেন্তে বৃক্কৰ ৰোগেই দোষী হ’ব পাৰে।
- বৃক্কৰ সমস্যাৰ ফলত শৰীৰত ৰক্তকণিকা উৎপন্ন কৰাৰ সংকেত দিয়া ইৰিথ্ৰ’প’ইটিন নামৰ হৰম’নৰ অভাৱ হ’ব পাৰে। ইয়াৰ ফলত ৰক্তহীনতা আৰু উশাহ-নিশাহৰ কষ্ট বৃদ্ধি পাব পাৰে।
বৃক্কৰ ৰোগৰ লক্ষণ-
- অত্যন্ত ভাগৰুৱা
- পৰ্যাপ্ত পৰিমাণে টোপনি নোহোৱা
- শুকান, ৰুক্ষ আৰু খজুৱতি হোৱা ছাল
- ভৰি ফুলা
- চকুৰ চাৰিওফালে ফুলি উঠা
- পেশীৰ বিষ
- সঠিকভাৱে উশাহ ল’ব নোৱাৰা
- প্ৰস্ৰাৱ হ্ৰাস
