ৱাকফ সংশোধনী বিধেয়কক লৈ চলি থকা বিতৰ্কৰ মাজতে অভিনেত্ৰীৰ পৰা সাংসদ হোৱা কংগনা ৰনৌতে আজি সংসদ ভৱনৰ বাহিৰত এই বিধেয়কখনক লৈ সাংবাদিকৰ আগত নিজৰ মত ব্যক্ত কৰে।
সাংসদগৰাকীয়ে কয় যে ৱাকফ সংশোধনী বিধেয়কখনৰ লক্ষ্য হৈছে আমাৰ দেশক ধ্বংস কৰা দুৰ্নীতিৰ অন্ত পেলোৱা। প্ৰধানমন্ত্ৰী মোদীৰ বাবেই আমি এই সৌভাগ্যৱান দিনটো চাবলৈ সক্ষম হৈছো। এই বিধেয়কৰ জৰিয়তে দিয়া প্ৰত্যক্ষ বাৰ্তাটো হ’ল কোনো ব্যক্তি, প্ৰতিষ্ঠান বা ধৰ্মীয় সংগঠন আইনৰ ওপৰত নহয়।
হিমাচল প্ৰদেশৰ মাণ্ডী লোকসভা সমষ্টিৰ পৰা সাংসদ ৰনৌতে এই প্ৰস্তাৱিত আইনখনৰ প্ৰশংসা কৰি কয় যে ভাৰতত ৱাকফ সম্পত্তিৰ ব্যৱস্থাপনা আৰু প্ৰশাসন উন্নত কৰাৰ লক্ষ্য লোৱা আইন বা সংবিধানৰ ওপৰত কোনো ব্যক্তি বা সংগঠন নাই।
উল্লেখ্য যে, বুধবাৰে প্ৰায় ১২ ঘণ্টাৰ চৰ্চাৰ অন্তত ৱাকফ সংশোধনী বিধেয়কখন লোকসভাত গৃহীত হৈছিল। গভীৰ নিশা প্ৰায় ২ বজাত এই বিধেয়কখন ২৮৮-২৩২ ভোটত বিধেয়কখন গৃহীত হয়।
ইফালে আজি ৰাজ্যসভাত উত্থাপন কৰা হয় এই বিধেয়কখন। সম্প্ৰতি উচ্চ সদনত এই বিধেয়কখন সন্দৰ্ভত অব্যাহত আছে চৰ্চা। ৰাজ্যসভাতো এই বিধেয়কখন গৃহীত হোৱাৰ পূৰ্ণ সম্ভাৱনা আছে।
