এটি ৫ বছৰীয়া কন্যা শিশুৰ সৈতে ভয়ংকৰ কাণ্ড সংঘটিত কৰাৰ অভিযোগ এজনৰ অভিযোগ উত্থাপিত হৈছে। কিশোৰজনৰ বয়স ১৭ বছৰ।
এই জঘন্য কাণ্ড সংঘটিত হৈছে মধ্যপ্ৰদেশৰ গোৱালিয়ৰৰত। ইতিমধ্য এই ঘটনা সৃষ্টি কৰিছে তীব্ৰ চাঞ্চল্যৰ। অভিযুক্ত কিশোৰজনে ৫ বছৰীয়া শিশুটিৰ সৈতে এই ভয়ংকৰ কাণ্ড সংঘটিত কৰি মূমূৰ্ষ অৱস্থাত পেলাই থৈ যায়।
২২ ফেব্ৰুৱাৰীত শিশুটিক এটি পৰিত্যক্ত ঘৰৰ চাদলৈ লৈ গৈ অপকৰ্ম সংঘটিত কৰে অভিযুক্তই। আনকি কন্যাটিক অতি নিৰ্মমভাৱে শেষ কৰি দিবলৈও উদ্যত হয় অভিযুক্তই।আৰক্ষীয়ে দাবী কৰা অনুসৰি, সুৰামত্ত অৱস্থাত শিশুটিৰ সৈতে এই কাণ্ড সংঘটিত কৰে কিশোৰজনে।
ইফালে শিশুটিৰ বাবে ন্যায়ৰ দাবী কৰি কয় যে, অভিভাৱকে অভিযুক্ত নাবালক হ’লেও যেন প্ৰাপ্তবয়স্ক হিচাপেই বিচাৰ প্ৰক্ৰিয়া চলে।
ইফালে গোৱালিয়ৰৰ সাংসদ জ্যোতিৰাদিত্য সিন্ধিয়াই এই ঘটনাক তীব্ৰ নিন্দা কৰাৰ উপৰি আৰক্ষীক কঠোৰ পদক্ষেপৰ নিৰ্দেশ দিয়ে।
