মেক্সিকোৰ এগৰাকী যুৱতীৰ চাঞ্চল্যকৰ দাবী। তেওঁৰ অভিজ্ঞতাৰ বৰ্ণনাই জনসাধাৰণ আৰু বিজ্ঞানী উভয়কে আচৰিত কৰি তুলিছে।
মেক্সিকোৰ এই যুৱতীগৰাকীয়ে দাবী কৰিছে যে ১০ মিনিটৰ ক্লিনিকেল মৃত্যুৰ সময়ছোৱাত তেওঁক ভৱিষ্যতলৈ অৰ্থাৎ ২০৩০ চনলৈ লৈ যোৱা হৈছিল। চেতনা ঘূৰাই পোৱাৰ পিছত তেওঁ যি অভিজ্ঞতাৰ বৰ্ণনা কৰিছিল, সেই বৰ্ণনাই সকলোৱে আচৰিত কৰি তুলিছে।
খবৰ অনুসৰি, বিগত বৰ্ষৰ এপ্ৰিল মাহত হাওঁফাওঁত তেজ জমা হৈ চিকিৎসালয়ত ভৰ্তি হৈছিল ২৪ বছৰীয়া চিকিৎসা বিজ্ঞানৰ ছাত্ৰী ৰুবী ৰ’লগু। অৱস্থা বেয়া হোৱাৰ লগে লগে তেওঁৰ হাৰ্ট এটেক আহে আৰু চিকিৎসকে তেওঁক প্ৰায় ১০ মিনিটৰ বাবে ক্লিনিকেলভাৱে মৃত বুলি ঘোষণা কৰে। পৰিয়ালকো তেওঁৰ সংকটজনক অৱস্থাৰ বিষয়ে অৱগত কৰা হয়।
চেতনা ঘূৰাই পোৱাৰ পিছত ৰুবীয়ে কয় যে, সেই ১০ মিনিটৰ ভিতৰত ২০৩০ চনত নিজকে বিচাৰি পাইছিল।তেওঁৰ মতে ভৱিষ্যতৰ পৃথিৱীখন আজিৰ তুলনাত অধিক শান্তিপূৰ্ণ আৰু সংগঠিত আছিল। তেওঁ দাবী কৰিছিল যে, প্ৰযুক্তি আৰু স্বয়ংক্ৰিয়কৰণে সাধাৰণ মানুহৰ জীৱন সহজ কৰি তুলিছে আৰু তেওঁলোকে যেন পৰিয়াল আৰু সমাজৰ সৈতে অধিক সময় অতিবাহিত কৰিছে।
ৰুবীৰ মতে অভিজ্ঞতা ইমানেই অতিবাস্তৱ আছিল যে চিকিৎসালয়ত চকু মেলিলে বাস্তৱ জগতলৈ ঘূৰি আহিবলৈ অসুবিধা পাইছিল।ৰুবীয়ে কয় যে, ভৱিষ্যতৰ শান্তিৰ পিছত বৰ্তমানৰ ব্যস্ত জগতখনলৈ ঘূৰি অহাটো “নৰক”যেন অনুভৱ হয়। যদিও বিজ্ঞানীসকলে এনে দাবীক প্ৰায়ে মগজুৰ জটিল কাৰ্য্যকলাপ আৰু “মৃত্যুৰ ওচৰৰ অভিজ্ঞতা”ৰ সৈতে জড়িত কৰে, তথাপিও এই পৰিঘটনাটো আলোচনাৰ বিষয় হৈয়েই আছে।
