ভাৰত আৰু ইংলেণ্ডৰ মাজত চলি থকা পাঁচখন মেচৰ টি-২০ আন্তঃৰাষ্ট্ৰীয় শৃংখলাৰ তৃতীয়খন মেচ আজি ৰাজকোটৰ নিৰঞ্জন শ্বাহ ষ্টেডিয়ামত অনুষ্ঠিত হৈছে। য’ত দলৰ অধিনায়ক সূৰ্যকুমাৰ যাদৱে টছত জয়লাভ কৰি প্ৰথমে বলিং কৰাৰ সিদ্ধান্ত লয়।
আঘাতৰ বাবে বিগত ১৪ মাহ দলৰ পৰা বাহিৰ হৈ থকা অভিজ্ঞ বেগী বলাৰ মহম্মদ ছামীয়ে আজিৰ মেচখনৰ জৰিয়তে পুনৰ আন্তঃৰাষ্ট্ৰীয় ক্ৰিকেটলৈ উভতি আহিছে।
টছত জয়ী হৈ প্ৰথমে বলিং কৰাৰ সিদ্ধান্ত গ্ৰহণ কৰা সূৰ্যকুমাৰ যাদৱে কয় যে আজিৰ মেচখনত অৰ্শদীপক জিৰণি দিয়া হৈছে আৰু মহম্মদ ছামীৰ প্ৰত্যাৱৰ্তন ঘটিছে।
মহম্মদ ছামীৰ দললৈ প্ৰত্যাৱৰ্তন ঘটনাৰ খবৰ বিয়পি পৰাৰ লগে লগে সামাজিক মাধ্যমত বিভিন্নজনে বিভিন্ন মন্তব্য কৰা পৰিলক্ষিত হৈছে।
এক্স ব্যৱহাৰকাৰী এজনে লিখিছে, ‘ছামীৰ অপেক্ষা অন্ত পৰিল!’ আন এজনে লিখিছে, ‘অৱশেষত দললৈ ঘূৰি আহিছে মহম্মদ ছামী। আশা কৰো এই মেচখনৰ পৰা কিছু ইতিবাচক ফলাফল ওলাব।’
আজিৰ মেচখনৰ মূল একাদশ
ভাৰত- সঞ্জু ছেমছন (উইকেটকীপাৰ), অভিষেক শৰ্মা, তিলক বৰ্মা, সূৰ্যকুমাৰ যাদৱ (অধিনায়ক), ধ্ৰুৱ জুৰেল, হাৰ্দিক পাণ্ডিয়া, ৱাশ্বিংটন সুন্দৰ, অক্ষৰ পেটেল, মহম্মদ ছামী, ৰবি বিষ্ণোই আৰু বৰুণ চক্ৰৱৰ্তী।
ইংলেণ্ড- ফিলিপ ছল্ট, বেন ডাকেট, জছ বাটলাৰ (অধিনায়ক), হেৰী ব্ৰুক, লিয়াম লিভিংষ্টন, জেমী স্মিথ (উইকেটকীপাৰ), জেমী অভাৰটন, ব্ৰাইডন কাৰ্ছ, জফ্ৰা আৰ্চাৰ, আদিল ৰাছিদ আৰু মাৰ্ক উড।
