ভাৰতীয় বায়ুসেনাৰ স্পেচিয়েল ১৮ ফ্লায়িং বুলেটছ স্কোৱাড্ৰনত যোগদান কৰা প্ৰথমগৰাকী মহিলা যুঁজাৰু পাইলট হিচাপে মোহনা সিঙে ইতিহাস ৰচিবলৈ সক্ষম হৈছে।
শেহতীয়াকৈ যোধপুৰত অনুষ্ঠিত হোৱা এক্সাৰচাইজ তৰংগ শক্তিৰ অংশ আছিল মোহনা সিং, য’ত তেওঁৰ সৈতে আছিল সশস্ত্ৰ বাহিনীৰ তিনিওজন উপ-প্ৰধান।
উল্লেখ্য যে অষ্ট্ৰেলিয়া, গ্ৰীচ, শ্ৰীলংকা, সংযুক্ত আৰব আমিৰশ্বাহী, জাপান, ছিংগাপুৰ আৰু আমেৰিকাৰ দৰে দেশৰ পাইলটসকলে এই অনুশীলনত অংশগ্ৰহণ কৰিছিল।
ইয়াৰ পূৰ্বে মোহনা সিঙে ২০১৬ চনত ভাৱনা কান্থ আৰু অৱনী চতুৰ্বেদীৰ সৈতে ভাৰতীয় বায়ুসেনাত প্ৰথম মহিলা যুঁজাৰু পাইলট হিচাপে নিযুক্তি লাভ কৰি ইতিহাস ৰচনা কৰিছিল।
১৯৯১ চনৰ পৰাই মহিলাসকলে হেলিকপ্টাৰ আৰু বিমান চলাই আহিছিল যদিও ২০১৬ চনলৈকে তেওঁলোকক আনুষ্ঠানিকভাৱে যুদ্ধ বিমান উৰুৱাবলৈ দিয়া হোৱা নাছিল।
বৰ্তমান মোহনা সিঙে মিগ-২১ বিমানৰ সৈতে জড়িত যদিও এতিয়া পাকিস্তান সীমান্তৰ সমীপৰ গুজৰাটৰ নলিয়া এয়াৰ বেছত এল চি এ স্কোৱাড্ৰনত নিযুক্তি কৰা হৈছে।
উল্লেখ্য যে মোহানা সিং ৰাজস্থানৰ ঝুনঝুনু জিলাৰ বাসিন্দা। তেওঁৰ ককাই এভিয়েশন ৰিচাৰ্চ চেণ্টাৰত ফ্লাইট গানাৰ হিচাপে কাম কৰিছিল আৰু পিতৃ আই এ এফৰ ৱাৰেণ্ট অফিচাৰ।
২০১৬ চনত চৰকাৰে মহিলাৰ বাবে যুঁজাৰু বিমানৰ ধাৰা মুকলি কৰাৰ পিছৰে ভাৰতীয় বায়ু সেনাত প্ৰায় ২০ গৰাকী মহিলা যুঁজাৰু পাইলট আছে।
