পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• লখৰা চাৰিআলিৰ গড়ভঙ্গা পথত ভয়ংকৰ সংঘটিত হৈছে ভয়ংকৰ অগ্নিকাণ্ড। ‘NEW S S MOTOR WORK’ নামৰ ব্যৱসায়িক প্রতিষ্ঠানত সংঘটিত হয় এই অগ্নিকাণ্ডৰ ঘটনা। এই অগ্নিকাণ্ডত ভস্মীভূত ৪ খনকৈ নতুন চুপাৰৰ লগতে মেৰামতিৰ কাম চলি থকা আন কেইবাখনো নৈশ বাছ। ঘটনাস্থলীত উপস্থিত হয় প্রায় ১০খনৰো অধিক অগ্নিনির্বাপক বাহিনীৰ টেংক। বৰ্তমানলৈও জানিব পৰা হোৱা নাই এই অগ্নিকাণ্ডৰ সূত্রপাত।
• বৰপেটাত ৬০ বছৰীয়া বৃদ্ধৰ জঘন্য কাণ্ড। এগৰাকী কিশোৰীৰ সৈতে কৰিলে ভয়ংকৰ কাণ্ড। বৰপেটা জিলাৰ বাটগাঁও নয়াপাৰাত সংঘটিত হৈছে এক চাঞ্চল্যকৰ ঘটনা। ধৃত ৬০ বছৰীয়া বৃদ্ধ বাটগাঁও নয়াপাৰাৰ আলেফ ভূঞা। এই অপকৰ্মক লৈ উত্তপ্ত হৈ পৰিছে বৰপেটাৰ বাটগাঁও নয়াপাৰা। উত্তেজিত ৰাইজে অগ্নিসংযোগ কৰে অভিযুক্তৰ বাসগৃহত।
• অবৈধ ধৰ্মীয় প্ৰতিষ্ঠানৰ বিৰুদ্ধে আৰম্ভ হ’ব চৰকাৰৰ এক্সন। এফালৰ পৰা ভাঙি পেলোৱা হ’ব পাৰে মছজিদ, দৰগাহ। ৰাজ্যৰ সকলো অবৈধ মছজিদ, দৰগাহত চলিব বুলড’জাৰ। সকলো অকৰ্তৃত্বশীল ধৰ্মীয় স্থান চিনাক্ত কৰি ভাঙি পেলাবলৈ নিৰ্দেশ দিয়া হৈছে। অবৈধ নাগৰিকৰ অনুপ্ৰৱেশ ৰোধৰ বাবে কঠোৰ হৈছে অৰুণাচলৰ পেমা খাণ্ডু চৰকাৰ। অনুপ্ৰৱেশকাৰীয়ে অবৈধভাৱে মছজিদ, মাদ্ৰাছা, দৰগাহ স্থাপনৰ অভিযোগ তুলিছিল একাংশ সংগঠনে। উল্লেখ্য যে, অৰুণাচলত অবৈধ মছজিদ ভাঙি পেলাবলৈ কেইবাটাও খিলঞ্জীয়া যুৱ সংগঠনে কৰিছিল প্ৰতিবাদ।
• শক্তি সহযোগিতাৰ ক্ষেত্ৰত ভাৰত আৰু বাংলাদেশে এক উল্লেখযোগ্য চুক্তিত উপনীত হৈছে। বাংলাদেশৰ অন্তৱৰ্তীকালীন চৰকাৰে ২০২৬ চনৰ জানুৱাৰীৰ পৰা ডিচেম্বৰৰ ভিতৰত ভাৰতৰ পৰা ১ লাখ ৮০ হাজাৰ টন ডিজেল আমদানি কৰাৰ সিদ্ধান্ত গ্ৰহণ কৰিছে। এই ডিজেল ভাৰতৰ চৰকাৰী কোম্পানী অইল ইণ্ডিয়া লিমিটেডৰ সহযোগী প্ৰতিষ্ঠান নুমলীগড় ৰিফাইনেৰী লিমিটেড (এন আৰ এল)ৰ পৰা ক্ৰয় কৰা হ’ব।এই ডিজেল আমদানি বাংলাদেশৰ চৰকাৰী ক্ৰয়ৰ পৰামৰ্শদাতা সমিতিৰ অনুমোদন। ৬ জানুৱাৰীত সচিবালয়ত বিত্ত উপদেষ্টা ছালেহুদ্দিন আহমেদৰ অধ্যক্ষতাত অনুষ্ঠিত এখন বৈঠকত এই সিদ্ধান্ত গ্ৰহণ কৰা হয়। ইয়াৰ পূৰ্বে অক্টোবৰ মাহত অৰ্থনৈতিক পৰিক্ৰমা উপদেষ্টা সমিতিয়ে ২০২৬ চনৰ বাবে ইন্ধন আমদানিৰ অনুমোদন জনাইছিল, তাৰ পিছত এতিয়া এই চুক্তি চূড়ান্ত কৰা হৈছে।
• নিকোলাছ মাদুৰোক গ্ৰেপ্তাৰৰ পিছত আমেৰিকাই এতিয়া ভেনিজুৱেলাৰ ওপৰত নিজৰ আধিপত্য চলাই গৈছে। ড’নাল্ড ট্ৰাম্পে ঘোষণা কৰিছে যে, ভেনিজুৱেলাই এতিয়া নতুন তেল চুক্তিৰ পৰা লাভ কৰা ধনৰ পৰাহে আমেৰিকাত নিৰ্মিত সামগ্ৰী ক্ৰয় কৰিব। ইয়াৰ ভিতৰত থাকিব আমেৰিকাৰ কৃষিজাত সামগ্ৰী, ঔষধ, চিকিৎসা সঁজুলি, আৰু বিদ্যুৎ গ্ৰীড আৰু শক্তিৰ সুবিধা উন্নত কৰাৰ বাবে সঁজুলি। সামাজিক মাধ্যমযোগে ড’নাল্ড ট্ৰাম্পে কয় যে, তেওঁ ইতিমধ্যে তথ্য পাইছে যে ভেনিজুৱেলাই নতুন তেল চুক্তিৰ অধীনত কেৱল আমেৰিকাত নিৰ্মিত সামগ্ৰীহে ক্ৰয় কৰিব। ইয়াৰ ভিতৰত আমেৰিকাৰ ঔষধ, চিকিৎসা সঁজুলি, আৰু ভেনিজুৱেলাৰ ইলেক্ট্ৰিক গ্ৰীড আৰু শক্তিৰ সুবিধা উন্নত কৰাৰ বাবে প্ৰয়োজনীয় সঁজুলি আদি অন্তৰ্ভুক্ত হ’ব।