সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
বহু উপহাৰৰ টোপোলা লৈ আজি অসমলৈ আহিব প্ৰধানমন্ত্ৰী মোদী। কিছুসময় পিছতে চাবুৱা এয়াৰ ফিল্ডত উপস্থিত হ’ব প্ৰধানমন্ত্ৰী। মৰাণ ৰাষ্ট্ৰীয় ঘাইপথৰ ELFত অৱতৰণ কৰিব প্ৰধানমন্ত্ৰীৰ বিমান। আধা ঘণ্টা ৰাজপথত ১৬ খন বিমানে প্ৰদৰ্শন কৰিব উৰণ কৌশল। দিনৰ ১২.৩০ বজাত গুৱাহাটীলৈ আহিব প্ৰধানমন্ত্ৰী। উদ্বোধন কৰিব গুৱাহাটী-উঃ গুৱাহাটী সংযোগী কুমাৰ ভাস্কৰ বৰ্মা সেতু। লগতে উদ্বোধন কৰিব IIM-গুৱাহাটীৰ অস্থায়ী কেম্পাচ আৰু আমিনগাঁৱৰ NIC DATA CENTER। ইয়াৰ উপৰিও ১০০ খন ইলেক্ট্ৰিক বাছ ৰাজ্যবাসীলৈ আগবঢ়াব প্ৰধানমন্ত্ৰীয়ে। শেষত খানাপাৰাৰ বিজেপিৰ বুথ সন্মিলনত অংশ ল’ব PM মোদীয়ে।
ফুল-মালাৰে সজাই তুলা হৈছে প্ৰধানমন্ত্ৰী মোদীয়ে উদ্বোধন কৰিব লগা কুমাৰ ভাস্কৰ বৰ্মা সেঁতু। দুপৰীয়া ১২.৩০ বজাত মৰাণৰ পৰা গুৱাহাটীলৈ ৰাওনা হ’ব প্ৰধানমন্ত্ৰী। গুৱাহাটীত মুকলি কৰিব গুৱাহাটী-উত্তৰ গুৱাহাটী সংযোগী কুমাৰ ভাস্কৰ বৰ্মা সেতু। ৩ হাজাৰ কোটি টকা ব্যয়েৰে নিৰ্মাণ কৰা হৈছে গুৱাহাটী-উত্তৰ গুৱাহাটী দলং। আজি দুপৰীয়া ১ বজাত প্ৰধানমন্ত্ৰীয়ে উদ্বোধন কৰিব সেঁতুখন।
বাংলাদেশত বিএনপিৰ ভূমিস্খলন বিজয় আৰু তাৰিক ৰহমানক প্ৰধানমন্ত্ৰী হিচাপে নিযুক্তি দিয়াৰ সম্ভাৱনাৰ পিছত এতিয়া ভাৰতে দুয়োখন দেশৰ মাজৰ সম্পৰ্ক পুনৰ শক্তিশালী কৰাৰ পৰিকল্পনা কৰিছে। ভাৰতে এই নিৰ্বাচনক “কূটনৈতিক ৰিছেট”ৰ সুযোগ হিচাপে লৈছে। কেন্দ্ৰীয় চৰকাৰৰ মতে গণতান্ত্ৰিকভাৱে নিৰ্বাচিত চৰকাৰেহে দীৰ্ঘম্যাদী স্থিতিশীলতা আৰু বিশ্বাস বজাই ৰাখিব পাৰে। ভাৰতে সদায় নিৰ্বাচিত চৰকাৰৰ সৈতে কাম কৰি আহিছে আৰু বিএনপিৰ জয়ক এতিয়া “১৯৭১ চনৰ আত্মা আৰু উদাৰ মূল্যবোধ”ৰ জয় হিচাপে দেখা গৈছে।
