পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• আজি পঞ্চদশ অসম বিধানসভাৰ অন্তিম অধিৱেশনৰ দ্বিতীয়টো দিন। প্ৰশ্নোত্তৰ শিতানেৰে আৰম্ভ হ’ব সদনৰ কাম-কাজ। বিভিন্ন গুৰুত্বপূৰ্ণ চৰকাৰী কাম-কাজৰ ওপৰত আলোচনাৰ লগতে উত্থাপন হ’ব কেইবাখনো বিধেয়ক।
• বাংলাদেশত আজি নতুন চৰকাৰৰ শপতগ্ৰহণ। দেশখনৰ প্ৰধানমন্ত্ৰীৰূপে শপত ল’ব বি এন পিৰ নেতা তাৰিক ৰহমানে। ভাৰত, চীন, চৌদি আৰব, তুৰস্ক, কাটাৰ, মালয়েছিয়া, শ্ৰীলংকা, নেপাল, ভূটান, পাকিস্তানসহ ১৩ দেশৰ প্ৰতিনিধিক শপতগ্ৰহণ অনুষ্ঠানলৈ আমন্ত্ৰণ।
• আমছুৰ প্ৰাক্তন সভাপতি ৰেজাউল কৰিম সৰকাৰে আজি যোগদান কৰিব AIUDFত। দিনৰ ১১ বজাত যোগদান কৰিব ৰেজাউল কৰিম সৰকাৰে। ইয়াৰ পূৰ্বে কংগ্ৰেছত যোগদান কৰি ৩ দিনতেই দল এৰিছিল ৰেজাউল কৰিম সৰকাৰে।
• আগন্তুক অসম বিধানসভাৰ নিৰ্বাচনৰ পৰিপ্ৰেক্ষিতত তিনিদিনীয়া কাৰ্যসূচীৰে গুৱাহাটীত উপস্থিত নিৰ্বাচন আয়োগৰ প্ৰতিনিধি দল। ১৭ ফেব্ৰুৱাৰীত মহানগৰীৰ ৰেডিছন ব্লু হোটেলত আয়োজন কৰা কাৰ্যসূচীত নিৰ্বাচন আয়োগৰ বিষয়াসকলে ৰাজনৈতিক দলসমূহৰ প্ৰতিনিধিসকলৰ সৈতে নিৰ্বাচন সম্পৰ্কীয় আলোচনাত মিলিত হ’ব।