- অসমত কেন্দ্ৰীয় গৃহমন্ত্ৰী অমিত শ্বাহৰ আজি দ্বিতীয় দিনৰ কাৰ্যসূচী। ৬৭৫ কোটি ব্যয়েৰে নিৰ্মিত প্ৰাগজ্যোতিষপুৰ চিকিৎসা মহাবিদ্যালয় আৰু চিকিৎসালয় উদ্বোধন কৰিব গৃহমন্ত্ৰীগৰাকীয়ে। লগতে খানাপাৰাত যুৱ শক্তি সমাৰোহত অংশ ল’ব কেন্দ্ৰীয় গৃহমন্ত্ৰীগৰাকীয়ে।
- কামৰূপ মহানগৰ জিলাৰ বঙৰাৰ ইছলামপুৰত প্ৰশাসনৰ উচ্ছেদ অভিযান৷ ৫ শতাধিক পৰিয়ালৰ বিৰুদ্ধে উচ্ছেদ অভিযান চলাইছে প্ৰশাসনে৷ উল্লেখ্য যে, কিছুদিন পূৰ্বে উচ্ছেদৰ জাননী জাৰি কৰিবলৈ বঙৰালৈ যাওঁতে একাংশ সন্দেহজনক লোকে আৰক্ষী-প্ৰশাসনৰ লোকক আক্ৰমণ কৰিছিল। এই ঘটনাৰ পাছৰে পৰা অঞ্চলটোত কটকটীয়া কৰি তোলা হৈছিল নিৰাপত্তা ব্যৱস্থা।
- বৰাক উপত্যকাত প্ৰগতিৰ নতুন দিগন্তৰ সূচনা৷ প্ৰায় ২৩ হাজাৰ কোটি টকাৰ একাধিক উন্নয়নমূলক প্ৰকল্পৰ শিলান্যাস তথা ভূমিপূজন কৰিলে প্ৰধানমন্ত্ৰী নৰেন্দ্ৰ মোদীয়ে।২২,৮৬৪ কোটি টকা ব্যয়সাপেক্ষে নিৰ্মাণ হ’বলগীয়া গুৱাহাটী–শিলচৰ হাইস্পীড কৰিড’ৰৰ ভূমি পূজন কৰে প্ৰধানমন্ত্ৰীয়ে।ইয়াৰ লগতে শিলচৰ নগৰৰ বহুপ্ৰতীক্ষিত উৰণ সেতুৰো ভূমি পূজন কৰে প্ৰধানমন্ত্ৰীগৰাকীয়ে৷ পাথাৰকান্দিত কৃষি মহাবিদ্যালয় স্থাপনৰ ভূমি পূজনো সম্পন্ন কৰে প্ৰধানমন্ত্ৰীগৰাকীয়ে৷
- মধ্যপ্ৰাচ্যত চলি থকা যুদ্ধৰ মাজতে ১৪ মাৰ্চত ফুজাইৰাৰ এটা শক্তি ইউনিটৰ পৰা ধোঁৱা ওলোৱা দেখা যায়। ইৰাণে ইউ এ ইক সকীয়াই দিয়ে যে, দেশৰ তিনিটা ডাঙৰ বন্দৰৰ আশে-পাশে থকা অঞ্চলসমূহ তৎকালীনভাৱে খালী কৰিব লাগে। আমেৰিকাই বোমা বিস্ফোৰণ অভিযান চলোৱাৰ কেইঘণ্টামান পিছতে এই সতৰ্কবাণী দিয়া হৈছে।ইৰাণৰ তাছনিম সংবাদ সংস্থাই ডুবাইৰ জেবেল আলী বন্দৰ, আবুধাবিৰ খলিফা বন্দৰ, ফুজাইৰা বন্দৰ খালী কৰিবলৈ নিৰ্দেশ দিছে।
Language -
অসমীয়া
- English
পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো
Related Posts
© 2025