সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
- আজি আদালতত জুবিন গাৰ্গৰ মৃত্যুৰ গোচৰৰ দ্বিতীয়টো শুনানি। ভাৰ্চুৱেলী আদালতত হাজিৰ হ’ব লাগিব ৭ অভিযুক্ত। সিদ্ধাৰ্থ , শ্যামকানু , শেখৰজ্যোতি, অমৃতপ্ৰভা , সন্দীপনৰ লগতে দুই দেহৰক্ষী নন্দেশ্বৰ আৰু পৰেশকো ভাৰ্চুৱেলী হাজিৰ কৰোৱা হ’ব। আদালতৰ প্ৰতিটো প্ৰশ্নৰ উত্তৰ দিব লাগিব এই ৭ অভিযুক্তই।
- ভাৰতবিৰোধী কাম কৰি ৰাইজৰ ৰোষত মুছলমান যুৱক চাহেদ আলী। অনকেমেৰা মুছলমান যুৱকে দিলে পাকিস্তান জিন্দাবাদ শ্লোগান। পাকিস্তানৰ সমৰ্থন কৰা চাহেদ আলীক আৱদ্ধ কৰি ৰাখিলে ৰাইজে। অৱশেষত ৰাইজে কৰায়ত্ব কৰি চমজাই দিলে ছয়গাঁও আৰক্ষীক।
- ২৯ ডিচেম্বৰত কেন্দ্ৰীয় গৃহমন্ত্ৰী অমিত শ্বাহে মুকলি কৰিব বটদ্ৰৱা প্ৰকল্প। গৃহমন্ত্ৰীৰ আগমনৰ পূৰ্বে প্ৰকল্প পৰিদৰ্শন মন্ত্ৰী পীযূষ হাজৰিকাৰ।
- ১৯ বছৰ অনুৰ্ধ এছিয়া কাপৰ ফাইনেলত এচিচিৰ সভাপতি মহছিন নকৱীৰ পৰা পদক গ্ৰহণ কৰিবলৈ অস্বীকাৰ ৰানাৰ্ছ আপ ভাৰতীয় দলটোৰ। ভাৰতীয় দলটোৱে আইচিচিৰ সহযোগী সদস্য সঞ্চালক মুবাশশ্বিৰ উছমানীৰ পৰা ৰানাৰ্ছ আপৰ পদক গ্ৰহণ কৰে।
- বৰ্তমানেও উত্তপ্ত হৈ আছে বাংলাদেশৰ পৰিস্থিতি। বাংলাদেশৰ অন্তৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছে ছাত্ৰ নেতা তথা ইনকিলাব মঞ্চৰ মুখপাত্ৰ শ্বৰীফ ওছমান হাদীৰ আদৰ্শক আগুৱাই নিয়াৰ প্ৰতিশ্ৰুতি দিয়ে। হাদীৰ অন্ত্যেষ্টিক্ৰিয়াত অংশগ্ৰহণ কৰি ইউনুছে কয় যে, বাংলাদেশ একত্ৰিত হৈছে আৰু বাংলাদেশৰ ৰাজনীতি গঢ় দিবলৈ চেষ্টা কৰা যুৱ ৰাজনীতিবিদজনৰ ধাৰণা আৰু কাৰ্যক সন্মান জনোৱাৰ লগতে হাদীৰ আদৰ্শক আগুৱাই নিবলৈ তেওঁ প্ৰতিশ্ৰুতি দিছে।
- ওদালগুৰিৰ ৰৌতাৰ বৰঝাৰত বিধ্বংসী অগ্নিকাণ্ড। ভস্মীভূত হয় বীৰেন্দ্ৰ নগৰ আশ্ৰমৰ ৭০ বিঘা মাটিৰ খেৰ। জুইত জাহ যায় লক্ষাধিক টকাৰ সা-সম্পত্তি। শ্বৰ্টচাৰ্কিটৰ ফলত এই জুইৰ সূত্ৰপাত হোৱাৰ সন্দেহ। স্থানীয় ৰাইজ, অগ্নিনিৰ্বাপক বাহিনীৰ তৎপৰতাত জুই নিৰ্বাপণ কৰা হয়।
