আমেৰিকাৰ গৱেষণা সংস্থা পিউ ৰিচাৰ্চে ২০১৫ চনত এক প্ৰতিবেদন প্ৰকাশ কৰি অনুমান কৰিছিল যে ২০৫০ চনৰ ভিতৰত ভাৰত বিশ্বৰ সৰ্বাধিক মুছলমান জনসংখ্যাবহুল দেশ হ’ব। এক প্ৰতিবেদন অনুসৰি ২০৫০ চনৰ ভিতৰত ভাৰতৰ মুঠ জনসংখ্যা হ’ব প্ৰায় ১৬৬ কোটি।
বৰ্তমানলৈকে কেৱল ভাৰততে বিশ্বৰ মুঠ মুছলমান জনসংখ্যাৰ ১১ শতাংশ। অৱশ্যে বৰ্তমান ইণ্ডোনেছিয়াত বিশ্বৰ ভিতৰতে সৰ্বাধিক মুছলমান জনসংখ্যা আছে। কিন্তু পিউ ৰিচাৰ্চৰ তথ্য অনুসৰি ২০৫০ চনৰ ভিতৰত ভাৰত বিশ্বৰ সৰ্ববৃহৎ মুছলমান সংখ্যাগৰিষ্ঠ দেশ হিচাপে পৰিগণিত হ’ব পাৰে, যি আজিৰ তুলনাত ৭ গুণ বেছি হ’ব বুলি অনুমান কৰা হৈছে।
২০০১ চনৰ পৰা ২০১১ চনৰ ভিতৰত ভাৰতত জনসংখ্যা দ্ৰুতগতিত বৃদ্ধি পাইছে। এই সময়ছোৱাত ভাৰতৰ মুঠ জনসংখ্যা ১৭.৭% বৃদ্ধি পাইছে। ভাৰতত মুছলমান জনসংখ্যা ২৫ শতাংশ বৃদ্ধি পাইছে। এই সংখ্যা সকলো সম্প্ৰদায়ৰ ভিতৰত সৰ্বাধিক।
ইফালে হিন্দু জনসংখ্যাৰ বৃদ্ধিৰ হাৰ ১৭ শতাংশতকৈও কম। ১৯৫১ চনৰ পৰা ২০১১ চনলৈ মুছলমান জনসংখ্যা ৩৮৬ শতাংশ বৃদ্ধি পাই ৩.৫৪ কোটিৰ পৰা ১৭.২২ কোটি হৈছে। আনহাতে হিন্দু জনসংখ্যা হৈছে ২১৮ শতাংশ। এই সংখ্যা ২০১১ চনত ৩০.৩৫ কোটিৰ পৰা ৯৬.৬২ কোটিলৈ বৃদ্ধি পোৱাৰ বিপৰীতে শিখ জনসংখ্যা ২৩৫ শতাংশ আৰু খ্ৰীষ্টান জনসংখ্যা ২৩২ শতাংশ বৃদ্ধি পাইছে।
উল্লেখ্য যে, বৰ্তমান বিশ্বৰ মুঠ জনসংখ্যা প্ৰায় ৮০০ কোটি। ইয়াৰে ২০০ কোটি লোকে ইছলাম অনুসৰণ কৰে। ইয়াৰ মূল কাৰণ হ’ল সমগ্ৰ বিশ্বতে ৫৭ খন মুছলমান দেশ আছে, য’ত ইছলাম ধৰ্ম পালন কৰা লোকে বাস কৰে।
