মহাৰাষ্ট্ৰৰ নাছিক জিলাত শুকুৰবাৰে নিশা সংঘটিত এক শোকাৱহ দুৰ্ঘটনা। একেটা পৰিয়ালৰ ৯ জনকৈ সদস্যৰ প্ৰাণহানি হয়। আৰক্ষীয়ে জনোৱা মতে, নিহতসকলৰ ভিতৰত ৬টা শিশুও আছে।
আৰক্ষীৰ মতে, নিশা প্ৰায় ১০ বজাত সংঘটিত হয় এই দুৰ্ঘটনা। ৩ এপ্ৰিলৰ নিশা ডিন্দোৰি চহৰৰ শিৱাজী নগৰ অঞ্চলত সংঘটিত হয় এই ঘটনা। এটা অনুষ্ঠানত অংশ লৈ ঘৰলৈ উভতি আহি থকা অৱস্থাত পৰিয়ালটোৰ গাড়ীখনে নিয়ন্ত্ৰণ হেৰুৱাই ওচৰৰ কুঁৱাত পৰি যায়।
ডিন্দোৰিৰ শিৱাজী নগৰৰ ৰাজে ভোজগৃহত বডজে ক্লাছৰ উদ্যোগত এক বাৰ্ষিক অনুষ্ঠান অনুষ্ঠিত হয়। ইন্দোৰৰ সুনীল দত্তত্ৰেয় দৰগোড়ে নিজৰ পৰিয়াল আৰু সন্তানক এই অনুষ্ঠানলৈ লৈ আহে। অনুষ্ঠানৰ অন্তত দৰগোড় পৰিয়ালে নিজৰ গাড়ীৰে ডিণ্ডোৰীৰ পৰা ঘৰলৈ উভতি আহি থকা অৱস্থাত চালকজনে নিয়ন্ত্ৰণ হেৰুৱাই গাড়ীখন পথৰ কাষৰ কুঁৱাত ডুব যায়।
এই দুৰ্ঘটনাটোৰ তথ্য লাভ কৰাৰ লগে লগে প্ৰশাসন, আৰক্ষী, সমাজকৰ্মী, নগৰ পঞ্চায়তৰ অগ্নিনিৰ্বাপক বাহিনী, আৰক্ষী, দুৰ্যোগ ব্যৱস্থাপনা দল উপস্থিত হৈ লগে লগে উদ্ধাৰ অভিযান আৰম্ভ কৰে। যিহেতু কুঁৱাটো সম্পূৰ্ণৰূপে পানীৰে ভৰি আছিল, সেয়েহে উদ্ধাৰ অভিযানত যথেষ্ট বাধাৰ সন্মুখীন হ’বলগীয়া হৈছিল। মাজনিশা দুখন ক্ৰেনৰ সহায়ত গাড়ীখন উলিয়াই আনিব লগা হয়।
গাড়ীখনৰ পৰা ৯টা মৃতদেহ উদ্ধাৰ কৰাৰ বিপৰীতে গাড়ীৰ পৰা নামি কুঁৱাত উটি যোৱা এগৰাকী কিশোৰীৰ মৃতদেহ উদ্ধাৰৰ বাবে বিশেষ অভিযান আৰম্ভ হয়।ডিণ্ডোৰী আৰক্ষীয়ে দুৰ্ঘটনাৰ গোচৰ ৰুজু কৰি অধিক তদন্ত আৰম্ভ কৰিছে।
