ইটালীৰ এটা সংবাদ মাধ্যমে সম্পূৰ্ণৰূপে কৃত্ৰিম বুদ্ধিমত্তা (AI) দ্বাৰা প্ৰস্তুত কৰা বিশ্বৰ ভিতৰতে প্ৰথমখন কাকতৰ প্ৰথমটো সংস্কৰণ প্ৰকাশ কৰা বুলি দাবী কৰিছে।
ৰক্ষণশীল-উদাৰবাদী দৈনিক কাকত IL FOGLIO ৰ এই পদক্ষেপক এমাহজোৰা সাংবাদিকতাৰ পৰীক্ষাৰ অংশ বুলি অভিহিত কৰা হৈছে। ইয়াৰ লক্ষ্য হৈছে AI প্ৰযুক্তিয়ে আমাৰ কামৰ ধৰণ আৰু আমাৰ দৈনন্দিন কাম-কাজত কেনে প্ৰভাৱ পেলায়, তাক বিস্তৃতভাৱে আলোচনা কৰা। কাকতখনৰ সম্পাদক ক্লাউডিঅ’ চেৰাছাই এই তথ্য দিয়ে।
৪ পৃষ্ঠাৰ IL FOGLIO AI, কাকতখনৰ মূল সংস্কৰণৰ সৈতে সংলগ্ন কৰা হৈছে। মঙলবাৰৰ পৰা ই ন্যুজষ্টেণ্ড আৰু অনলাইন দুয়োটাতে উপলব্ধ হ’ব।
সম্পাদক চেৰছাই কয় যে এইখনেই হ’ব বিশ্বৰ প্ৰথমখন দৈনিক কাকত যিটো সম্পূৰ্ণৰূপে AI ব্যৱহাৰ কৰি সৃষ্টি কৰা হ’ব।
আই এল ফ’গ্লিঅ’ এ আইৰ প্ৰথম সংস্কৰণৰ কভাৰ পেজত প্ৰকাশ পাইছে আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সৈতে জড়িত এক বাতৰি। “ইটালীৰ ট্ৰাম্পিয়ানসকলৰ বিৰোধ” শীৰ্ষক প্ৰতিবেদনত বৰ্ণনা কৰা হৈছে যে তেওঁলোকে কেনেকৈ “সংস্কৃতি বাতিল”ৰ বিৰোধিতা কৰে। কিন্তু আমেৰিকাত তেওঁলোকৰ মূল নেতাই একনায়কত্ববাদীৰ দৰে আচৰণ কৰিলে হয় আওকাণ কৰে নহয় উদযাপন কৰে।
প্ৰথম পৃষ্ঠাত আন এটা মুখ্য প্ৰবন্ধ প্ৰকাশ পাইছিল, যাৰ শিৰোনাম আছিল “পুটিন, ১০টা বিশ্বাসঘাতকতা”। প্ৰবন্ধটোত ৰাছিয়াৰ ৰাষ্ট্ৰপতি ভ্লাদিমিৰ পুটিনৰ “২০ বছৰৰ ভিতৰত ভংগ হোৱা প্ৰতিশ্ৰুতি, বাতিল কৰা চুক্তি আৰু বিশ্বাসঘাতকতা”ৰ ওপৰত আলোকপাত কৰা হৈছে।
দ্বিতীয় পৃষ্ঠাত “পৰিস্থিতি”ৰ ওপৰত এটা প্ৰতিবেদন দিয়া হৈছে, য’ত ইউৰোপীয় যুৱক-যুৱতীসকলে এতিয়া কেনেকৈ স্থায়ী সম্পৰ্কৰ পৰা আঁতৰি আহিছে, সেই বিষয়ে উজ্জ্বল কৰি তুলিছে। এই বাতৰি কাকতত প্ৰকাশিত সকলো প্ৰবন্ধ গঠন, স্পষ্ট আৰু পোনপটীয়া ভাষাত আৰু তাত কোনো ব্যাকৰণগত ভুল দেখা পোৱা নগ’ল।
