কেন্দ্ৰীয় চৰকাৰে Fixed-Dose Combination (এফডিচি) ঔষধ নিষিদ্ধ কৰিছে। নিষিদ্ধ কৰা ঔষধবোৰৰ ভিতৰত আছে মাল্টিভিটামিন আৰু পেইনকিলাৰ। কেন্দ্ৰই পেৰাচিটামল, ট্ৰামাডল, টাউৰিন আৰু কেফেইনৰ সংমিশ্ৰণো নিষিদ্ধ কৰিছে। মন্ত্ৰালয়ে কৈছে যে, ঔষধবোৰ স্বাস্থ্যৰ বাবে উপযোগী নহয়। এইবোৰ ঔষধ গ্ৰহণ কৰিলে স্বাস্থ্যৰ যথেষ্ট অৱনতি হ’ব পাৰে।
কেন্দ্ৰীয় চৰকাৰে জ্বৰ, চৰ্দি, এলাৰ্জি আৰু বিষৰ বাবে ব্যৱহৃত এণ্টিবেক্টেৰিয়েল ঔষধকে ধৰি বহুলভাৱে বিক্ৰী হোৱা ১৫৬ বিধ Fixed-Dose Combination (FDC) ঔষধ নিষিদ্ধ কৰিছে। স্বাস্থ্য মন্ত্ৰালয়ে কৈছে যে, এই ঔষধবোৰ গ্ৰহণ কৰিলে মানুহৰ স্বাস্থ্যৰ অৱনতি হ’ব পাৰে।
এই এফডিচি ঔষধবোৰক ককটেল ঔষধ বুলিও কোৱা হয়। সেইবোৰত একাধিক ঔষধৰ মিশ্ৰণ থাকে। কেন্দ্ৰীয় স্বাস্থ্য মন্ত্ৰালয়ে ১২ আগষ্টত জাৰি কৰা অধিসূচনা অনুসৰি, চৰকাৰে পেইনকিলাৰ হিচাপে ব্যৱহৃত শীৰ্ষ ফাৰ্মা কোম্পানীবোৰে নিৰ্মাণ কৰা জনপ্ৰিয় সংমিশ্ৰণসমূহৰ ভিতৰত এটা ‘এচিক্লোফেনাক ৫০ মিগ্ৰা পেৰাচিটামল ১২৫ মিগ্ৰা টেবলেট’ নিষিদ্ধ ঘোষণা কৰিছে।
ঔষধৰ নিষিদ্ধ তালিকাখনত, মেফেনামিক এচিড পেৰাচিটামল ইঞ্জেকচন, চেটিৰিজিন এইচচিএল পেৰাচিটামল ফেনাইলেফ্ৰাইন এইচচিএল, লেভোচেটিৰিজিন ফেনাইলেফ্ৰাইন এইচচিএল পেৰাচিটামল, পেৰাচিটামল ক্ল’ৰফেনিৰামাইন মালেটে, ফেনাইল প্ৰপানোলামাইন আৰু কেমিলোফিন ডিহাইড্ৰক্লৰাইড আদি অন্তৰ্ভুক্ত হৈ আছে। এইবোৰ অতি জনপ্ৰিয় ঔষধ, যিবোৰ ব্যাপকভাৱে ব্যৱহাৰ কৰা হয়।
উল্লেখ্য যে, যিবোৰ ঔষধ নিষিদ্ধ কৰা হৈছে, সেইবোৰ চুলিৰ বৃদ্ধি, ছালৰ যতন, জ্বৰ আৰু বিষ উপশমৰ বাবে ব্যৱহাৰ কৰা হয়। এই ঔষধবোৰ মাল্টিভিটামিন আৰু এণ্টিএলাৰজেন হিচাপেও ব্যৱহাৰ কৰা হয়। মানুহে শৰীৰত ভিটামিনৰ অভাৱ পূৰণ কৰিবলৈ এই ঔষধবোৰ গ্ৰহণ কৰে। বিগত বৰ্ষতো কেন্দ্ৰীয় চৰকাৰে বহুতো ঔষধ নিষিদ্ধ কৰিছিল। সেই সময়ছোৱাত কোৱা হৈছিল যে, এই ঔষধবোৰৰ ব্যৱহাৰে স্বাস্থ্যৰ যথেষ্ট অৱনতি ঘটাব পাৰে।
কেন্দ্ৰই পেৰাচিটামল, ট্ৰামাডল, টাউৰিন আৰু কেফেইনৰ সংমিশ্ৰণো নিষিদ্ধ কৰিছিল। ইয়াৰ উপৰিও, অপিঅইড-আধাৰিত পেইনকিলাৰ ট্ৰামাডলো নিষিদ্ধ ঘোষণা কৰিছিল। চৰকাৰে কৈছে যে, মানুহে এই ঔষধবোৰ ব্যৱহাৰ কৰাৰ পৰিৱৰ্তে অন্য বিকল্প ব্যৱহাৰ কৰিব লাগে।
