পেহেলগাম সন্ত্ৰাসবাদী আক্ৰমণৰ প্ৰতিশোধ লৈ ভাৰতে পাকিস্তানৰ ৯টা স্থানত বিমান আক্ৰমণ চলায়। শেহতীয়াকৈ সন্ত্ৰাসবাদীয়ে সদ্য বিবাহিত মহিলাৰ স্বামীক হত্যা কৰাৰ বাবেই এই অভিযানৰ নাম ‘অপাৰেচন সেন্দুৰ’ ৰখা হয়।
পেহেলগাম সন্ত্ৰাসবাদী আক্ৰমণৰ প্ৰতিশোধ লৈ ভাৰতে পাকিস্তানৰ ৯টা স্থানত বিমান আক্ৰমণ চলায়। কিন্তু আটাইতকৈ গুৰুত্বপূৰ্ণ কথাটো হ’ল এই অভিযানৰ নাম ৰখা হয় অপাৰেচন সিন্দুৰ। অপাৰেচন সিন্দুৰ নামটো কিয় ৰখা হ’ল সেই সন্দৰ্ভত মানুহে বিচাৰিছে। কিন্তু ইয়াৰ আঁৰত চৰকাৰৰ উদ্দেশ্য কি হ’ব পাৰে জানো আহক-
প্ৰতিৰক্ষা বিশেষজ্ঞৰ মতে, পেহেলগামত সন্ত্ৰাসবাদীয়ে কিছুদিন পূৰ্বে বিবাহপাশত আৱদ্ধ হোৱা বহুকেইজনক হত্যা কৰিছিল। ভাৰতে এই মহিলাসকলৰ চকুত চকুলো দেখা পাইছিল আৰু তাৰ পিছত প্ৰতিটো চকুলোৰ হিচাপ লোৱা হ’ব বুলি প্ৰতিজ্ঞা কৰিছিল।
- এইসকলৰ ভিতৰত আছিল ১৬ এপ্ৰিলত বিবাহপাশত আৱদ্ধ হোৱা গুৰুগ্ৰামৰ হিমাংশী নৰৱাল।তেওঁ স্বামী লেফটেনেণ্ট বিনয় নৰৱালৰ সৈতে হানিমুনলৈ গৈছিল যদিও সন্ত্ৰাসবাদীয়ে বিনয়ক হত্যা কৰে।
- একেদৰে জয়পুৰৰ প্ৰিয়ংকা শৰ্মাৰ স্বামীকো হত্যা কৰিছিল সন্ত্ৰাসবাদীয়ে। স্বামী ৰোহিতৰ সৈতে হানিমুন উদযাপন কৰিবলৈ পেহেলগামলৈ গৈছিল প্ৰিয়ংকা। আক্ৰমণৰ সময়ত গুলীচালনা কৰি ৰোহিতৰ থিতাতে মৃত্যু হয়। আহত প্ৰিয়ংকাক শ্ৰীনগৰৰ এখন চিকিৎসালয়ত ভৰ্তি কৰোৱা হয়।
- শিমলাৰ বাসিন্দা অঞ্জলি ঠাকুৰ স্বামী বিবেক ঠাকুৰৰ সৈতে গৈছিল। তেওঁলোকৰো বিবাহ হৈছিল চলিত বৰ্ষৰ ১২ এপ্ৰিলত। বিবেক আৰু অঞ্জলি পহলগামত ট্ৰেকিং কৰিবলৈ গৈছিল যদিও সন্ত্ৰাসবাদীয়েও তেওঁলোকক ৰেহাই নিদিয়ে। অঞ্জলি কেনেবাকৈ বাচি গ’ল। পিছত অঞ্জলিয়ে কয়, “আমাৰ জীৱন আৰম্ভ হোৱাৰ আগতেই শেষ হৈ গ’ল’।
- পুনেৰ বাসিন্দা স্নেহা পাটিলে স্বামী অমিত পাটিলৰ সৈতে হানিমুনলৈ গৈছিল। ১০ এপ্ৰিলত তেওঁলোক বিবাহপাশত আৱদ্ধ হৈছিলয। অমিত আৰু স্নেহাই পেহেলগামৰ সৌন্দৰ্য উপভোগ কৰি থকা অৱস্থাত সন্ত্ৰাসবাদীয়ে গুলীয়াই হত্যা কৰে। হস্পিতালত স্নেহাই কয় যে, সন্ত্ৰাসবাদীয়ে তেওঁলোকৰ পৰা সকলো কাঢ়ি লৈ যায়।
