আপোনাৰ সন্তানে ঘন্টা-ঘন্টা ধৰি মোবাইল ফোনত ব্যস্ত হৈ থাকে নেকি? ইনষ্টাগ্ৰাম বা ইউটিউবত ভিডিঅ চাই ভাত খাই নেকি? যদি এনেকুৱা কৰিছে তেতিয়াহলে সাৱধান হওঁক। কিয়নো এই ধৰণৰ কামে আপোনাৰ শিশুৰ ওপৰত বিৰূপ প্ৰভাৱ পেলাব পাৰে।
আজিকালি বহুতো শিশুৱে ফোন অবিহনে খাদ্য নাখায় আৰু খোৱাৰ সময়ত ৰিল বা ইউটিউবত ভিডিঅ’ চাই থাকে।
যিসকল শিশুৰ অত্যাধিক মোবাইলৰ প্ৰতি আসক্তি আছে সেইসকল শিশুৰ অভিভাৱকসকলৰ বাবে ইণ্ডিয়ান একাডেমী অফ পেডিয়াট্ৰিক্সে স্ক্ৰীণ টাইম নিৰ্দেশনা প্ৰস্তুত কৰিছে। য’ত শিশুসকলক ছ’চিয়েল মিডিয়া প্লেটফৰ্ম ব্যৱহাৰ কৰিবলৈ অনুমতি দিব নে নিদিয়ে সেই বিষয়ে স্পষ্ট নিৰ্দেশনা দিছে।
নিৰ্দেশনাৱলীয়ে কি কয়?
আজিৰ তাৰিখত অভিভাৱকসকলৰ অসাৱধানতাৰ বাবে বহুতো শিশুৱে মোবাইলৰ প্ৰতি বেছিকৈ আকৰ্ষিত হৈছে। নিৰ্দেশনাৱলীত কোৱা হৈছে যে, যদি শিশুটোৰ বয়স মাপকাঠি অনুসৰি নহয় তেন্তে শিশুক মোবাইল ফোন নিদিব। যদিহে কম বয়সতে শিশুক মোবাইল ফোন হাতত দিয়ে তেতিয়াহলে তেনেকুৱা শিশুৰ ক্ষেত্ৰত অসুবিধাৰ সৃষ্টি হব পাৰে।
ছ’চিয়েল মিডিয়া প্লেটফৰ্ম আৰু বৈধ বয়স
ছ’চিয়েল মিডিয়া প্লেটফৰ্মসমূহ ব্যৱহাৰ কৰাৰ ক্ষেত্ৰত বয়সৰ সীমাবদ্ধতা উল্লেখ কৰিছে।
ফেচবুক, স্নেপচ্যাট, ইনষ্টাগ্ৰাম, টুইটাৰ আৰু গুগল প্লাছ – নিম্নতম ১৩ বছৰ।
হোৱাটছএপ- ১৬ বছৰ।
ইউটিউব– পিতৃ-মাতৃৰ অনুমতিৰ সৈতে ১৮ বছৰ।
অভিভাৱকসকলে কৰক এই কাম
নিৰ্দেশনাৱলীত কোৱা হৈছে যে, আপোনাৰ সন্তানক সামাজিক মাধ্যমৰ প্লেটফৰ্ম বা ভিডিঅ’ গেম দিয়াৰ আগতে ১০০ বাৰ চিন্তা কৰক। যদিহে কম বয়সত মোবাইলৰ প্ৰতি আসক্তি হৈছে তেতিয়াহলে সন্তানৰ ওপৰত চঁকু দিয়ক।
