বৈদেশিক পৰিক্ৰমা মন্ত্ৰী এছ জয়শংকৰে দেওবাৰে ভাৰতলৈ অহা মালদ্বীপৰ ৰাষ্ট্ৰপতি মহম্মদ মুইজজুক সাক্ষাৎ কৰে। লগতে তেওঁ ব্যক্ত কৰে যে, প্ৰধানমন্ত্ৰী নৰেন্দ্ৰ মোদীৰ সৈতে মুইজজুৰ আলোচনাই বন্ধুত্বপূৰ্ণ সম্পৰ্কক এক নতুন গতি প্ৰদান কৰিব। মালদ্বীপৰ ৰাষ্ট্ৰপতি মুইজজুৱে জুন মাহত প্ৰধানমন্ত্ৰী মোদীৰ শপত গ্ৰহণ অনুষ্ঠানত অংশগ্ৰহণ কৰে, এইটো তেওঁৰ ভাৰতলৈ প্ৰথম দ্বিপাক্ষিক ভ্ৰমণ।
বৈদেশিক পৰিক্ৰমা মন্ত্ৰালয়ে, এই সপ্তাহৰ আৰম্ভণিতে মুইজজুৰ ভাৰত ভ্ৰমণৰ কথা ঘোষণা কৰি কয় যে, ই দুয়োখন দেশৰ মাজত সহযোগিতা আৰু জনসাধাৰণৰ মাজৰ সম্পৰ্কক অধিক শক্তিশালী প্ৰদান কৰিব বুলি আশা কৰা হৈছে।
বৈদেশিক পৰিক্ৰমা মন্ত্ৰী জয়শংকৰে সাক্ষাৎ কৰে
ছ’চিয়েল মিডিয়া প্লেটফৰ্ম এক্সত এক পোষ্টত জয়শংকৰে কয় যে, ভাৰত ভ্ৰমণৰ আৰম্ভণিতে মালদ্বীপৰ ৰাষ্ট্ৰপতি মুইজজুক সাক্ষাৎ কৰি তেওঁ আনন্দিত। ভাৰত-মালদ্বীপ সম্পৰ্ক বৃদ্ধিৰ ক্ষেত্ৰত তেওঁৰ প্ৰতিশ্ৰুতিক ভাৰতে প্ৰশংসা কৰে। মই নিশ্চিত যে, সোমবাৰে প্ৰধানমন্ত্ৰী নৰেন্দ্ৰ মোদীৰ সৈতে হোৱা তেওঁৰ আলোচনাই আমাৰ বন্ধুত্বপূৰ্ণ সম্পৰ্কক নতুন গতি প্ৰদান কৰিব।
বৈদেশিক পৰিক্ৰমা মন্ত্ৰী জয়শংকৰেও পোষ্টৰ সৈতে তেওঁৰ বৈঠকৰ কিছুমান ফটো শ্বেয়াৰ কৰে। বিগত বৰ্ষত চীনৰ সৈতে সু-সম্পৰ্ক থকা মুইজজুৱে নৱেম্বৰত ৰাষ্ট্ৰপতিৰ দায়িত্ব গ্ৰহণ কৰাৰ পিছতেই ভাৰত আৰু মালদ্বীপৰ মাজৰ সম্পৰ্কত গুৰুতৰ উত্তেজনাৰ সন্মুখীন হয়।
আন্তৰ্জাতিক বিষয়ত আলোচনা
বৈদেশিক মন্ত্ৰালয়ৰ মতে, এই ভ্ৰমণকালত মুইজজুৱে প্ৰধানমন্ত্ৰী মোদীৰ সৈতে পাৰস্পৰিক স্বাৰ্থৰ দ্বিপাক্ষিক, আঞ্চলিক আৰু আন্তঃৰাষ্ট্ৰীয় বিষয়ত আলোচনা কৰিব। তেওঁ ৰাষ্ট্ৰপতি দ্ৰৌপদী মুৰ্মুকো লগ কৰাৰ সম্ভাৱনা আছে। দিল্লীৰ উপৰিও, মুইজজুৱে মুম্বাই আৰু বেংগালুৰু ভ্ৰমণ কৰিব য’ত তেওঁ উদ্যোগিক অনুষ্ঠানত অংশগ্ৰহণ কৰিব।
বৈদেশিক পৰিক্ৰমা ৰাজ্যিক মন্ত্ৰী কীৰ্তি বৰ্ধন সিঙে নতুন দিল্লীত উপস্থিত হোৱাৰ পিছত মালদ্বীপৰ ৰাষ্ট্ৰপতি মুইজজু আৰু তেওঁৰ প্ৰতিনিধিদলক পালমৰ বায়ু সেনা কেন্দ্ৰত আদৰণি জনায়। ইফালে, মালদ্বীপৰ ৰাষ্ট্ৰপতি কাৰ্যালয়ে এক বিবৃতিত কয় যে, জয়শংকৰে ভাৰত ভ্ৰমণৰ সময়ত ৰাষ্ট্ৰপতি মুইজজুক সৌজন্যমূলক সাক্ষাৎ কৰে।
