আজি ৰাজ্যিক সন্মানেৰে প্রাক্তন প্রধানমন্ত্রী ড০ মনমোহন সিঙৰ শেষকৃত্য কৰা হ’ব৷ নতুন দিল্লীৰ নিগমবোধ ঘাটত পুৱা ১১:৪৫ বজাত তেওঁক শেষ বিদায় জনোৱা হ’ব।
পুৱা প্ৰায় ৮ বজাত তেওঁৰ নিথৰ দেহ কংগ্ৰেছৰ মুখ্য কাৰ্যালয়লৈ লৈ অনা হ’ব, য’ত তেওঁৰ শেষ আভাস পাব সৰ্বসাধাৰণে। তেওঁৰ অন্তিম বিদায়ৰ প্ৰস্তুতি ৯:৩০ বজাৰ পিছত আৰম্ভ হ’ব।
দিল্লী যান-বাহন আৰক্ষীৰ তথ্য অনুসৰি, পুৱা ৭ বজাৰ পৰা বিয়লি ৩ বজালৈ ৰিং ৰোড (মহাত্মা গান্ধী মাৰ্গ), নিছাদ ৰাজ মাৰ্গ, বলিভাৰ্ড ৰোড, এছ পি এম মাৰ্গ, লোথিয়ান ৰোড আৰু নেতাজী সুভাষ মাৰ্গত যান-বাহন চলাচলত নিষেধাজ্ঞা জাৰি কৰা হৈছে।
আজি পুৱা ১১:৪৫ বজাত নতুন দিল্লীৰ নিগমবোধ ঘাটত প্ৰাক্তন প্ৰধানমন্ত্ৰী ড০ মনমোহন সিঙৰ অন্তিম অনুষ্ঠান সম্পন্ন কৰা হ’ব। ইয়াৰ পূৰ্বে দিল্লী যান-বাহন আৰক্ষীয়ে এক পৰামৰ্শ জাৰি কৰিছে। ৰিং ৰোড, নেতাজী সুভাষ মাৰ্গকে ধৰি এই পথসমূহত নিষেধাজ্ঞা আৰু ডাইভাৰচন থাকিব।
প্রাক্তন প্রধানমন্ত্রী ড০ মনমোহন সিঙক অন্তিম বিদায় জনোৱাৰ বাবে বাসগৃহ (৩, মোটিলাল নেহৰু ৰোড, নতুন দিল্লী)ত যথেষ্ট সংখ্যক লোক উপস্থিত হৈছে৷
ড০ মনমোহন সিঙৰ শেষ বিদায়ৰ প্ৰস্তুতি পুৱা ৯.৩০ বজাৰ পিছত আৰম্ভ হ’ব। বৃহস্পতিবাৰে নিশা ৯৩ বছৰ বয়সত তেওঁ শেষ নিশ্বাস ত্যাগ কৰে। দিল্লীৰ এইমছ হাস্পতালত জীৱনাৱসান ঘটিছিল।
উল্লেখ্য যে, ড০ মনমোহন সিং ২০০৪ চনৰ পৰা ২০১৪ চনলৈ দেশৰ প্ৰধানমন্ত্ৰী আছিল। তেখেতে দেশৰ অৰ্থনীতিত গুৰুত্বপূৰ্ণ অৱদান আগবঢ়াইছে। তেওঁ দেশৰ অৰ্থনৈতিক স্থিতি আগুৱাই লৈ গৈছিল।
ড০ মনমোহন সিঙৰ সন্মানত দেশত ৭ দিনীয়া ৰাষ্ট্ৰীয় শোক ঘোষণা কৰা হৈছে। আজি তেওঁৰ অন্ত্যেষ্টিক্ৰিয়াৰ দিনটোত কেন্দ্ৰীয় চৰকাৰৰ কাৰ্যালয়ত আধা দিনৰ বন্ধ থাকিব। কালি অৰ্থাৎ শুকুৰবাৰে কেন্দ্ৰীয় কেবিনেট বৈঠকত এই সিদ্ধান্ত লোৱা হৈছে।
