ৰাজ্যত সংঘটিত হৈছে এক চাঞ্চল্যকৰ ডকাইতি কাণ্ড ৷ ২০ ফেব্ৰুৱাৰীত বৰপেটাৰোডৰ মাজমজিয়াত থকা ‘সেনকো গোল্ড এণ্ড ডায়মণ্ডছ’ “ শ্ব’ৰুমত দিন-দুপৰতে ৫ জনীয়া সশস্ত্ৰ ডকাইতৰ দলে এক ভয়ংকৰ ডকাইতি কাণ্ড স’ঘটিত কৰে ৷
ৰাজ্য কঁপাই যোৱা এই ডকাইতি কাণ্ডৰ সৈতে জড়িত ৪ জনক ইতিমধ্যে আটক কৰিছে আৰক্ষীয়ে ৷ ১২ কোটি টকা মূল্যৰ গহনা লুটি নিছিল এই ডকাইতৰ দলটোৱে ৷ ডকাইতৰ সন্ধানত নিশা বৰপেটাৰোড আৰু বৰপেটা জিলা আৰক্ষীৰ যৌথ অভিযান চলায় ৷
এই ডকাইতৰ দলটোৱে জুৱেলাৰী ষ্টোৰখনৰ পৰা প্ৰায় ১২ কোটি টকা মূল্যৰ সোণ-হীৰাৰ অলংকাৰ আৰু নগদ ধন লুটি নিয়ে। বৰপেটাৰোড আৰু বৰপেটা জিলা আৰক্ষীৰ যৌথ অভিযানত এই অপৰাধীৰ দলটোক আটক কৰা হৈছে। প্ৰথমে গ্ৰাহকৰ ৰূপত আহি পিষ্টল দেখুৱাই কৰ্মচাৰীসকলক প্ৰাণৰ ভাবুকি দিয়ে এই দলটোৱে। পিছলৈ হাত-ভৰি বান্ধি চিনেমাৰ কায়দাৰে লুটপাত চলায়। প্ৰায় ১২ কোটি টকাৰ অলংকাৰ আৰু নগদ ধনো লুটি নিয়ে। ঘটনা সংঘটিত কৰি ডকাইতৰ দলটোৱে পলায়ন কৰে।
পিছত আৰক্ষীয়ে তদন্ত চলাই ৪ জনক আটক কৰিবলৈ সক্ষম হয়। ইফালে, ঘটনাৰ পাছতেই সমগ্ৰ বৰপেটা জিলাত আৰক্ষীয়ে কটকটীয়া নিৰাপত্তা ব্যৱস্থা গঢ়ি তুলিছে ৷ বাকী থকা ডকাইতৰ সন্ধানত অভিযান অব্যাহত ৰাখে আৰক্ষীয়ে।
