শিলচৰ NIT ত সংঘটিত হৈছে এক নিৰ্লজ্জ ঘটনা। ছাত্ৰীৰ সৈতে ভয়ংকৰ কাণ্ড সংঘটিত কৰে সহকাৰী অধ্যাপকে৷ ইলেকট্ৰিকেল ইঞ্জিনিয়াৰিং বিভাগৰ BTech প্ৰথম বৰ্ষৰ ছাত্ৰীৰ এই জঘন্য কাণ্ড সংঘটিত কৰে সহকাৰী অধ্যাপক ডঃ ডি.কে ৰাজুৱে৷
ইয়াৰ প্ৰতিবাদত নিশা ফেকালটি কোৱাৰ্টাৰৰ সম্মুখত আন্দোলন কৰে শ শ ছাত্ৰ-ছাত্ৰীয়ে৷ ছাত্ৰছাত্ৰীৰ উত্তাল আন্দোলনত পুৱতি নিশা ৩ বজাত অভিযুক্ত অধ্যাপক ডঃ ডি.কে ৰাজুক নিলম্বন কৰে NIT কৰ্তৃপক্ষই৷
উক্ত ঘটনাক লৈ ঘুংগুৰ আৰক্ষী চকীত ৰুজু কৰা হয় গোচৰ৷ ভুক্তভোগী ছাত্ৰীগৰাকীয়ে এই সমগ্ৰ ঘটনা সহপাঠীৰ সন্মুখত অৱগত কৰাৰ পিছতেই ছাত্ৰ-ছাত্ৰীসকলে নিশা NIT ৰ কোৱাৰ্টাৰৰ সম্মুখত ঘটনাৰ প্ৰতিবাদত আন্দোলনত নামে৷ অভিযুক্ত সহকাৰী অধ্যাপকগৰাকীক গ্ৰেপ্তাৰ তথা নিলম্বনৰ দাবীত উত্তাল প্ৰতিবাদ আৰম্ভ কৰে ছাত্ৰ-ছাত্ৰীসকলে৷
ইয়াৰ পিছতেই পৰিস্থিতি নিয়ন্ত্ৰণ কৰিবলৈ নিশায়েই NIT চৌহদত আৰক্ষী মোতায়ন কৰাৰ লগতে অভিযুক্ত অধ্যাপকগৰাকীক নিলম্বনৰ নিৰ্দেশ দিয়ে বিভাগীয় কৰ্তৃপক্ষই৷
আৰক্ষীয়ে ছাত্ৰীগৰাকীৰ সৈতে অপকৰ্ম সংঘটিত কৰা শিলচৰ NIT ৰ সহকাৰী অধ্যাপজনক আটক কৰে৷ বৰ্তমানে শিলচৰ সদৰ থানাত আৰক্ষীয়ে জেৰা চলাই আছে অভিযুক্তক ৷
