প্ৰতিদিনে ৰাজা ৰঘুবংশীৰ হত্যাকাণ্ডৰ গোচৰত নতুনকৈ প্ৰকাশ পাইছে। ১৭ জুনত শ্বিলং আৰক্ষীৰ এছ আই টি দলে হত্যাকাণ্ডৰ সমগ্ৰ ঘটনাৰ ক্ৰম বুজিবলৈ অপৰাধস্থলী পুনৰ নিৰ্মাণ কৰে।
সদৰ থানাৰ পৰা প্ৰায় ১০:৩০ বজাত সোণম আৰু তিনিওজন মূল অভিযুক্ত বিশাল, আনন্দ আৰু আকাশক লৈ আৰক্ষীৰ দলটোৱে নিশা ১২:১৫ বজাত মৌলাখিয়াট গাঁৱত উপস্থিত হয়, য’ৰ পৰা ডাবল ডেকাৰ দলংলৈ যোৱা পথটো আৰম্ভ হয়।
সোনম, ৰাজা ৰঘুবংশী আৰু অভিযুক্ত তিনিজনে ২২ মে’ত এই পথেৰে ডাবল ডেকাৰ দলংলৈ গৈছিল।সোনম আৰু ৰাজা এটা হোমষ্টেত থকাৰ বিপৰীতে বাকী তিনিজন কিছু দূৰৈত আন এটা হোমষ্টেত আছিল। ২৩ মে’ত সকলোৱে চেক আউট কৰি মাউলাখিয়াট পাৰ্কিং পালেগৈ। ইয়াৰ পিছত ৱেই ছাউডং জলপ্ৰপাতৰ ওচৰৰ এটা ভিউ পইণ্টত ৰাজাক হত্যা কৰা হয়।
আৰক্ষীক বিষয়াই অভিযুক্তই জনোৱা অনুসৰি, পূৰ্বে দুবাৰকৈ হত্যাৰ চেষ্টা কৰা হৈছিল যদিও তেওঁলোক সফল নহয়। তৃতীয়বাৰত হত্যাকাণ্ড সংঘটিত হৈছিল যেতিয়া ৰাজা ভিউ পইণ্টৰ ওচৰত থিয় হৈ আছিল।
আৰক্ষীৰ তথ্য অনুসৰি, বিশালে প্ৰথম আক্ৰমণ চলাইছিল, যিটো আছিল আটাইতকৈ দ্ৰুত। আনন্দই দ্বিতীয়টো আক্ৰমণ আৰু আকাশে তৃতীয়টো আক্ৰমণ কৰে। জেৰাৰ সময়ত আৰক্ষীয়ে দুখন অস্ত্ৰ (দাৱ) ব্যৱহাৰৰ তথ্য লাভ কৰে। ইয়াৰে এখন উদ্ধাৰ কৰা হৈছে, আনহাতে আনখনৰ তালাচী বৰ্তমানেও চলি আছে।
কোৱা হৈছে যে, হত্যাকাণ্ডৰ সময়ত সোনম ৰাজাৰ সন্মুখত থিয় হৈ আছিল আৰু সোনমেই আক্ৰমণ কৰাৰ সংকেত দিছিল। ৰাজাৰ মৃত্যুৰ পিছত ৩জন অভিযুক্তই তেওঁৰ মৃতদেহটো তুলি লৈ এটা খাৱৈত পেলাই দিয়ে। ২ জুনত উদ্ধাৰ হোৱা আকাশৰ চাৰ্টত তেজৰ দাগ পোৱা গৈছিল। আকাশে কয় যে তেওঁ খাৱৈত পেলাই দিছিল।
হত্যাকাণ্ডৰ পিছত সোনমে ৰাজাৰ মোবাইল ভাঙি পিছত বিশালেও ভাঙি পেলায়। আৰক্ষীৰ মতে, সোনমৰ মোবাইল এতিয়াও উদ্ধাৰ হোৱা নাই। পলায়নৰ সময়ত সোনমে আত্মগোপন কৰি থকা ইন্দোৰৰ ফ্লেটটোতো আৰক্ষীৰ দলটোৱে তালাচী চলাইছে। বৰ্তমান সেই ফ্লেটটো খালী অৱস্থাত পোৱা গৈছে।
জেৰাৰ সময়ত সোনমে স্বীকাৰ কৰে যে তেওঁ হত্যাৰ ষড়যন্ত্ৰত জড়িত আছিল। প্ৰেমৰ বাহিৰে বৰ্তমানলৈকে আৰক্ষীয়ে আন কোনো কাৰণ বিচাৰি পোৱা নাই যদিও এতিয়াও তদন্ত অব্যাহত আছে।
