আজি উচ্চতম ন্যায়ালয়ত সম্পন্ন হয় কলিকতাৰ আৰজি কৰ কাণ্ডৰ গোচৰৰ শুনানি। কলিকতা গোচৰৰ শুনানি গ্ৰহণ কৰি ন্যায়ালয়ে কঠোৰভাৱে পশ্চিম বংগৰ আৰক্ষী আৰু প্ৰশাসনক ভৎসৰ্না কৰে।
দেশ জোকাৰি যোৱা কলিকতা কাণ্ডৰ দৰে ঘটনা যাতে ভৱিষ্যতে নহয় তাৰ বাবে উচ্চতম ন্যায়ালয়ে এখন পৰামৰ্শ সমিতিও গঠন কৰে।
সৰ্বোচ্চ ন্যায়ালয়ৰ মুখ্য ন্যায়াধীশ ডি ৱাই চন্দ্ৰচুড়ে চিকিৎসকৰ সুৰক্ষাক লৈ উদ্বেগ প্ৰকাশ কৰি কয়-
১. এইটো কেৱল কলিকাতাত সংঘটিত হত্যাৰ গোচৰ নহয়, এই বিষয়টো সমগ্ৰ দেশৰ চিকিৎসকৰ সুৰক্ষা আৰু নিৰাপত্তাৰ সৈতে জড়িত ব্যৱস্থাটো জড়িত হৈ পৰিছে।
২. বিশেষকৈ মহিলা চিকিৎসক আৰু যুৱ চিকিৎসকৰ সুৰক্ষাৰ প্ৰতি আমি চিন্তিত। তাত কোনো ডিউটি ৰুম নাই বুলি আমি জানিছো। তেওঁলোকৰ কৰ্মক্ষেত্ৰত সুৰক্ষিত পৰিস্থিতিৰ বাবে আমি ৰাষ্ট্ৰীয় ঐকমত্য আৰু প্ৰট’কল প্ৰস্তুত কৰিব লাগিব।
৩. আমি জানো যে তেওঁলোক সকলোৱেই ইণ্টাৰন, ৰেচিডেণ্ট ডাক্তৰ আৰু আটাইতকৈ গুৰুত্বপূৰ্ণ কথাটো হ’ল মহিলা ডাক্তৰ। অধিকাংশ যুৱ চিকিৎসকে ঘন্টাৰ পিছত ঘণ্টা ধৰি কাম কৰি আছে। নিৰাপদ কৰ্ম পৰিস্থিতি নিশ্চিত কৰিবলৈ আমি ৰাষ্ট্ৰীয় প্ৰট’কল প্ৰস্তুত কৰিব লাগিব। এনে প্ৰট’কল কেৱল কাগজতে নহয় বাস্তৱায়িত হ’ব লাগে।
৪. ভুক্তভোগী মহিলাৰ পৰিচয় আৰু ফটো ছ’চিয়েল মিডিয়াত ভাইৰেল হোৱা ঘটনাত আমি চিন্তিত। এয়া হোৱাটো অনুচিত। এই ঘটনা সমগ্ৰ দেশতে এক পদ্ধতিগত ব্যৰ্থতা। আদালতৰ সিদ্ধান্ত আছে, যৌন ভুক্তভোগীৰ নাম প্ৰকাশ কৰিব নোৱাৰি।
৫. আৰক্ষীয়ে কিয় হাজাৰ-হাজাৰ লোকক ভিতৰলৈ আহিবলৈ দিলে, অপৰাধস্থলীক কিয় সুৰক্ষা দিব নোৱাৰিলে। কিয় অধ্যক্ষক আন এখন কলেজলৈ বদলি কৰা হ’ল? বৃহস্পতিবাৰৰ ভিতৰত চিবিআইয়ে এই গোচৰৰ ষ্টেটাছ ৰিপৰ্ট দাখিল কৰিব লাগিব। যিহেতু তদন্ত সুক্ষ্ম পৰ্যায়ত আছে, গতিকে প্ৰতিবেদন পোনপটীয়াকৈ আদালতক দিব লাগিব।
৬. কলিকতাৰ আৰজি কৰ মেডিকেল কলেজত যেতিয়া হাজাৰ-হাজাৰ লোক প্ৰৱেশ কৰিছিল তেতিয়া আৰক্ষীয়ে কি কৰি আছিল। এই ঘটনা অত্যন্ত চিন্তনীয়। সেয়ে আদালতৰ তত্বাৱধানত টাস্ক ফ’ৰ্চ গঠন কৰা হ’ব।
৭. আমি নেচনেল টাস্ক ফ’ৰ্চ গঠন কৰিব বিচাৰো, য’ত অন্তৰ্ভুক্ত হওক সকলো চিকিৎসক। চিকিৎসকসকলে আমাৰ ওপৰত বিশ্বাস ৰাখক। তেওঁলোকে এই কথাটোও চিন্তা কৰক যে তেওঁলোকৰ হাততেই আছে চিকিৎসা ব্যৱস্থা, সেয়ে তেওঁলোক কামলৈ উভতি আহক।
৮. আমি চিকিৎসকৰ সুৰক্ষা নিশ্চিত কৰিবলৈ আছো। এই বিষয়টো আমি উচ্চ ন্যায়ালয়ৰ ওপৰত এৰি নিদিওঁ। এইটো বৃহৎ জাতীয় স্বাৰ্থ জড়িত বিষয়।
৯. মহিলা চিকিৎসকৰ পৰিয়ালক মৃতদেহ গতাই দিয়াৰ ৩ ঘণ্টা ৩০ মিনিটৰ পিছত কিয় এফআইআৰ পঞ্জীয়ন কৰা হ’ল? মমতা চৰকাৰ আৰু চিকিৎসালয় প্ৰশাসনক ধমক দি প্ৰশাসনে কি কৰি আছিল বুলিও প্ৰশ্ন কৰে। এফআইআৰ পঞ্জীয়ন কৰাটো চিকিৎসালয়ৰ দায়িত্ব আছিল, কাৰণ সেই সময়ত ভুক্তভোগীৰ পৰিয়াল তাত উপস্থিত নাছিল।
১০. এনে লাগে যেন ৰাতিপুৱাই এই অপৰাধৰ খবৰ জানিছিল। অধ্যক্ষই ইয়াক আত্মহত্যাৰ ৰূপ দিয়াৰ চেষ্টা কৰিছিল। অভিভাৱকক মৃতদেহটো চাবলৈ দিয়া হোৱা নাছিল।
