অন্তিম ক্ষণত ২০২৪। আৰু কেইটামান দিনৰ পিছতে অন্ত পৰিব চলিত ২০২৪ বছৰ। নতুনক আদৰাৰ পূৰ্বে ২০২৪ চনত ভাৰতৰ সৰ্বোচ্চ ন্যায়ালয়ে প্ৰদান কৰা কেইটামান উল্লেখযোগ্য ৰায়দানৰ ওপৰত চকু ফুৰাওঁ আহক।
জানুৱাৰী
বিলকিছ বানোৰ ঘটনাৰ লগত জড়িত ১১ জন অপৰাধীক মুকলি কৰিবলৈ দিয়া গুজৰাট চৰকাৰৰ হঠচকিত সিদ্ধান্তৰ বিৰুদ্ধে তীব্ৰ ক্ষোভ প্ৰকাশ উজাৰিছিল সৰ্বোচ্চ ন্যায়ালয়ে। ২০০২ চনত দেশজোকাৰি যোৱা গুজৰাট কাণ্ডৰ সময়ত মহিলাৰ সৈতে হোৱা গণধৰ্ষণ আৰু মহিলাগৰাকীৰ পৰিয়ালক হত্যা কৰাত অভিযুক্ত কেইগৰাকীক গুজৰাট চৰকাৰে ক্ষমাদান পলিচিৰ জৰিয়তে মুকলি কৰি দিছিল। গুজৰাট চৰকাৰৰ এই সিদ্ধান্তৰ পিছতে দেশজুৰি তীব্ৰ বিতৰ্কৰ সৃষ্টি হোৱাত সৰ্বোচ্চ ন্যায়ালয়ে বিষয়টো হস্তক্ষেপ কৰি গুজৰাট চৰকাৰৰ সিদ্ধান্তক খাৰিজ কৰি দিয়ে। এই ক্ষেত্ৰত সৰ্বোচ্চ ন্যায়ালয়ে বিলকিছ বানো গোচৰৰ ১১ জন দোষীৰ আটাইকেইজনৰ ক্ষমা বাতিল কৰিছিল।
ফেব্ৰুৱাৰী
দেশৰ সৰ্বোচ্চ ন্যায়ালয়ে ইলেক্টৰেল বণ্ড (নিৰ্বাচনী বণ্ড)ক অসাংবিধানিক আখ্যা দি ইয়াৰ ওপৰত তাৎক্ষণিকভাৱে কাৰ্যকৰী হোৱাকৈ নিষেধাজ্ঞা আৰোপ কৰিছিল। ভাৰতবৰ্ষৰ সংবিধানৰ ১৯ (১)(ক)ৰ দোহাই দি ইলেক্টৰেল বণ্ড আঁচনিক অবৈধ ঘোষণা কৰে সৰ্বোচ্চ ন্যায়ালয়ে। এই আঁচনিৰ জৰিয়তে যিকোনো ব্যক্তি বা সংগঠন বা অনুষ্ঠানে ৰাজনৈতিক দলক অনুদান দিব পাৰিছিল। কিন্তু ই আছিল সম্পূৰ্ণ গোপনীয়তা।
মাৰ্চ
আইন প্ৰণয়নকাৰীসকলে উপঢৌকন ল’লে তেওঁলোক কেতিয়াও সাৰি যাব নোৱাৰিব। এনেধৰণৰ উপঢৌকনে বিধি বিধান জড়িত কাৰ্যত নঞৰ্থক প্ৰভাৱ পেলায়। এই মন্তব্য কৰিছিল সৰ্বোচ্চ ন্যায়ালয়ে।
এপ্ৰিল
EVM-VVPAT ৰ এশ শতাংশ ক্ৰছ ভেৰিভিকেচনক সৰ্বোচ্চ ন্যায়ালয়ে অগ্ৰাহ্য কৰিছিল।
মে’
জামিনৰ সময়ত কোনো অপৰাধী বা অভিযুক্তই জামিন পোৱাৰ সময়ত গুগুল মেপৰ জৰিয়তে নিজৰ লোকেচন শ্বেয়াৰ কৰা বিষয়ক লৈ সংশোধন।
জুলাই
দিল্লীৰ সুৰা কেলেংকাৰী গোচৰত কাৰাগাৰলৈ যোৱা তেতিয়াৰ দিল্লীৰ মুখ্যমন্ত্ৰী অৰবিন্দ কেজৰিৱালৰ অন্তৱৰ্তীকালীন জামিন প্ৰদান কৰিছিল সৰ্বোচ্চ ন্যায়ালয়ে।
ছেপ্তেম্বৰ
POCSO আইনত নতুন দিশৰ সংযোজন। শিশুৰ সৈতে হোৱা ভয়ংকৰ কাণ্ড চোৱাটো POCSO আইনৰ অধীনত দণ্ডনীয়।
নৱেম্বৰ
দেশত শেহতীয়াকৈ উচ্ছেদৰ নামত গা কৰি উঠা বুলড’জাৰ প্ৰথাক তীব্ৰ সমালোচনা কৰি সৰ্বোচ্চ ন্যায়ালয়ে ইয়াক অসাংবিধানিক আখ্যা দিছিল।
