শুকুৰবাৰে গোসাইগাঁৱৰ কদমগুৰিত এক ভয়ানক পথ দুৰ্ঘটনা সংঘটিত হয়। এই পথ দুৰ্ঘটনাটোত গোসাইগাঁৱৰ সুনীতা মাৰ্ডী নামৰ এগৰাকী মহিলাৰ ঘটনাস্থলতেই মমৃত্যু হয়। মৃত সুনীতা মাৰ্ডী ঢৌলিগুৰি গাঁৱৰ জবেল হেমৰমৰ পত্নী বুলি চিনাক্ত কৰিছে।
জানিব পৰা মতে, সুনতী মাৰ্ডীয়ে নিজৰ স্কুটীৰে ঘৰলৈ গৈ থকা সময়ত MH46BM7480 নম্বৰৰ এখন কণ্টেনাৰ ট্ৰাকে প্ৰচণ্ড জোৰত খুন্দা মাৰে। দুৰ্ঘটনাটো ইমানেই ভয়ংকৰ আছিল যে মহিলাগৰাকী ট্ৰাকৰ তলত সোমাই যায় আৰু থিতাতে মৃত্যু হয়।
মৃত মহিলাগৰাকী অংগনবাড়ী কেন্দ্ৰৰ কৰ্মচাৰী আছিল বুলি জানিব পৰা গৈছে।
দুৰ্ঘটনাটোৰ পাছত স্থানীয় ৰাইজে আৰক্ষীক খবৰ দিয়ে আৰু আৰক্ষীয়ে ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে স্থানীয় হাস্পতাললৈ প্ৰেৰণ কৰে আৰু দুৰ্ঘটনা সংঘটিত কৰা কন্টেনাৰ ট্ৰাকখন জব্দ কৰে।
ইফালে প্ৰত্যক্ষদৰ্শীয়ে জানিব দিয়া অনুসৰি, ট্ৰাকখনে বিপৰীত দিশৰ পৰা আহি থকা বাবেই ৰাষ্ট্ৰীয় ঘাইপথত এই ভয়ংকৰ দুৰ্ঘটনাটো সংঘটিত হোৱা বুলি গুৰুতৰ অভিযোগ উত্থাপন কৰে।
