ইতিমধ্যে আমেৰিকাই ইতিমধ্যে ৮৫ হাজাৰ ভিছা বাতিল কৰিছে। আমেৰিকাৰ বিদেশ মন্ত্ৰালয়ে ৯ ডিচেম্বৰত ঘোষণা কৰে যে আক্ৰমণ আৰু চুৰিৰ কাণ্ডৰ সৈতে জড়িত লোকৰ অভিবাসনৰ নিয়ম কটকটীয়া কৰাৰ পিছতে ৮৫ হাজাৰ ভিছা বাতিল কৰা হৈছে। ষ্টেট ডিপাৰ্টমেণ্টে কয় যে, এনে অপৰাধৰ সৈতে জড়িতসকলে আমেৰিকাৰ নাগৰিকৰ বাবে প্ৰত্যক্ষ ভাবুকি কঢ়িয়াই আনিছে।
বিদেশ বিভাগে এই তথ্য সামাজিক মাধ্যমত এটা পোষ্টৰ জৰিয়তে শ্বেয়াৰ কৰিছে। পোষ্টটোত বিভাগটোৱে লিখিছে, চলিত বৰ্ষৰ জানুৱাৰী মাহৰ পৰা ৮৫ হাজাৰ ভিছা বাতিল কৰা হৈছে। ৰাষ্ট্ৰপতি ড’নাল্ড ট্ৰাম্প আৰু বিদেশ সচিব মাৰ্কো ৰুবিঅ’ই এই কাম অতি সোনকালে বন্ধ নকৰে বুলি তেওঁ জানিবলৈ দিয়ে। এই পোষ্টটোত ড’নাল্ড ট্ৰাম্পৰ এখন ফটোও শ্বেয়াৰ কৰা হৈছে, য’ত তেওঁক “মেক আমেৰিকা ছেফ এগেইন” শ্লোগানেৰে দেখা গৈছে। এই পোষ্টটোৱে ইংগিত দিয়ে যে, এই ভিছাৰ ব্যৱস্থা ট্ৰাম্প প্ৰশাসনৰ নিৰাপত্তা এজেণ্ডাৰ এক কেন্দ্ৰবিন্দু।
তথ্য অনুসৰি, আমেৰিকাৰ বিদেশ মন্ত্ৰালয়ে প্ৰকাশ কৰা অনুসৰি ৮ হাজাৰৰো অধিক ছাত্ৰৰ ভিছা বাতিল কৰা হৈছে। ষ্টেট ডিপাৰ্টমেণ্টে জনোৱা মতে, বিগত বৰ্ষৰ তুলনাত এই বছৰ দুগুণ ভিছা বাতিল কৰা হৈছে। মন্ত্ৰালয়ে লগতে কয় যে, মদ্যপান কৰি গাড়ী চলোৱা, আক্ৰমণ, চুৰিৰ কাণ্ডৰ বাবে বেছিভাগ ভিছা বাতিল কৰা হৈছে, কিয়নো এনে কাণ্ডৰ সৈতে জড়িতসকলে আমেৰিকাৰ নাগৰিকৰ বাবে প্ৰত্যক্ষ ভাবুকি কঢ়িয়াই আনিছে।
ইমান বৃহৎ সংখ্যক ভিছা বাতিল হোৱাৰ আন কাৰণো থাকিব পাৰে, যিবোৰ ট্ৰাম্প প্ৰশাসনে পূৰ্বে উল্লেখ কৰিছে, আমেৰিকাত অতিৰিক্ত সময় থকা, অপৰাধমূলক কাৰ্যকলাপ, সন্ত্ৰাসবাদক সমৰ্থন কৰা আদি। এক প্ৰতিবেদনত এইটোও কোৱা হৈছে যে, ট্ৰাম্প প্ৰশাসনে গাজাৰ সৈতে জড়িত প্ৰতিবাদৰ সৈতে জড়িত আৰু যিসকল ছাত্ৰ-ছাত্ৰীক লক্ষ্য কৰি লৈছে যিসকলৰ বিৰুদ্ধে যিহুদী বিৰোধীতা আৰু উগ্ৰপন্থী গোটক সমৰ্থন কৰা হৈছে।
আমেৰিকাই এইচ ১-বি ভিছাৰ বাবে ভাৰতীয় আবেদনকাৰীৰ এপইণ্টমেণ্টৰ তাৰিখো পিছুৱাই দিছে। ভাৰতত থকা আমেৰিকাৰ দূতাবাসে সামাজিক মাধ্যমত পোষ্ট কৰিছে যে, যদি নিযুক্তিৰ তাৰিখ ২০২৬ লৈ পিছুৱাই দিয়া হৈছে তেন্তে তেওঁলোকে সাক্ষাৎকাৰৰ পূৰ্বৰ তাৰিখৰ পৰিৱৰ্তে নতুন তাৰিখত কনছুলেটত ৰিপৰ্ট দিব লাগে।
আমেৰিকাই এইচ ১-বি আৰু এইচ-৪ ভিছাৰ বাবে নতুন নিয়ম ৰূপায়ণ কৰিছে, য’ত আবেদনকাৰীয়ে ফেচবুক, ইনষ্টাগ্ৰাম, টুইটাৰ, লিংকডইন, স্নেপচ্যাটকে ধৰি সকলো ছ’চিয়েল মিডিয়া একাউণ্টৰ ভেৰিফাই কৰিব লাগিব। এই প্ৰক্ৰিয়া ১৫ ডিচেম্বৰৰ পৰা আৰম্ভ হয়, যাৰ ফলত আবেদনকাৰীৰ নিযুক্তিৰ তাৰিখ ৩ ৰ পৰা ৪ মাহ পিছুৱাই দিয়া হয়।
