আমেৰিকাৰ ৰাষ্ট্ৰপতি ড’নাল্ড ট্ৰাম্পৰ এক ভিডিঅ’ ছ’চিয়েল মিডিয়াত প্ৰচাৰিত হৈছে৷ য’ত তেওঁক এখন বৈঠকৰ সময়ত টোপনি যোৱা দেখা গৈছে। এই বৈঠকত গাজাৰ সৈতে জড়িত শান্তি প্ৰচেষ্টাৰ ওপৰত গুৰুত্ব আৰোপ কৰা হৈছিল।
ভাইৰেল ফুটেজত দেখা গৈছে যে ট্ৰাম্পে কনফাৰেন্স ৰুমত বহি আছে। কেইমুহূৰ্তমানৰ বাবে তেওঁৰ চকু দুটা বন্ধ হৈ থাকে আৰু মঞ্চৰ পৰা বক্তাই উপস্থাপন কৰাৰ সময়ত মূৰটো অলপ তল কৰি থাকে। ভিডিঅ’টোত দাবী কৰা হৈছে যে এই বৈঠক গাজাৰ শান্তি এজেণ্ডাৰ ওপৰত হোৱা আলোচনা।
ভিডঅ’টোত ভাষণৰ সামৰণিত আৰু হলঘৰত হাতচাপৰিৰ বিস্ফোৰণ ঘটাৰ লগে লগে ট্ৰাম্পে হঠাতে সক্ৰিয় হৈ পৰা যেন দেখা যায়। ক্লিপটোৰ বিভিন্ন অংশত তেওঁক কেইবাবাৰো চকু মুদি দেখুওৱা হৈছে। দাবী অনুসৰি ব্ৰিটিছ প্ৰাক্তন প্ৰধানমন্ত্ৰী টনি ব্লেয়াৰে ভাষণ দিয়াৰ আন এটা মুহূৰ্ততো ট্ৰাম্পৰ চকুৰ পতা যথেষ্ট তললৈ নামি অহা দেখা গৈছে। কিন্তু ভিডিঅ’টো অবিৰত ৰেকৰ্ডিং নে সম্পাদিত উদ্ধৃতিৰ সংকলন সেয়া স্পষ্ট বৰ্তমানেও স্পষ্ট হোৱা নাই।
এই ভিডিঅ’টো পোহৰলৈ অহাত ছ’চিয়েল মিডিয়া ব্যৱহাৰকাৰীৰ মাজত তীব্ৰ প্ৰতিক্ৰিয়াৰ সৃষ্টি হয়। কিছুমানে ইয়াক “ক্লান্তি” বা দীঘলীয়া প্ৰগ্ৰেমিংৰ প্ৰভাৱ বুলি কয়। ইফালে সমালোচকসকলে বিশ্ব নিৰাপত্তাৰ দৰে বিষয়ত আলোচনাৰ সময়ত এনে ছবিক অনুচিত বুলি অভিহিত কৰে।
ভিডিঅ’টোৰ সন্দৰ্ভত এতিয়াও কোনো আনুষ্ঠানিক বিবৃতি দিয়া হোৱা নাই, ইয়াৰ সত্যতাও নিশ্চিত কৰা হোৱা নাই। গাজা সন্দৰ্ভত কল্পিত শান্তি অধিবেশনৰ সময়ত ড’নাল্ড ট্ৰাম্পৰ ভাইৰেল ভিডিঅ’ ৰাজনৈতিক আলোচনাৰ বিষয় হৈ পৰিছে যদিও ইয়াৰ প্ৰামাণ্যতা আৰু প্ৰসংগক লৈ প্ৰশ্ন উত্থাপন হৈয়ে আছে।
