২০২৫ চনত কাৰ্যভাৰ গ্ৰহণৰ পিছত শান্তিৰ নোবেল বঁটাৰ দাবী কৰা ড’নাল্ড ট্ৰাম্পে বাৰে বাৰে দাবী কৰি আহিছে যে তেওঁ ৮ খন সংঘাতৰ অন্ত পেলাইছে। যাৰ বাবে তেওঁ এই বঁটাৰ যোগ্য দাবী কৰে ট্ৰাম্পে। কিন্তু খবৰ অনুসৰি, তেওঁৰ দ্বিতীয় কাৰ্যকালত ইৰাণ, য়েমেন, ছোমালিয়া, ছিৰিয়া, ইৰাক, নাইজেৰিয়া, ভেনিজুৱেলাকে ধৰি কমেও সাতখন দেশৰ বিৰুদ্ধে আমেৰিকাই সামৰিক ব্যৱস্থা গ্ৰহণ কৰিছিল।
ছোমালিয়াঃ আমেৰিকাই বছৰ বছৰ ধৰি ছোমালিয়াত আল-ছাবাব আৰু আইছিছৰ বিৰুদ্ধে ড্ৰ’ন আক্ৰমণ আৰু বিশেষ সামৰিক অভিযান চলাই আহিছ। এয়া আছিল মূলতঃ আঞ্চলিক স্থিতিশীলতা আৰু সন্ত্ৰাসবাদ প্ৰতিৰোধৰ লক্ষ্যৰে। ১৯৯৩ চনত আটাইতকৈ ডাঙৰ আক্ৰমণ সংঘটিত হৈছিল, য’ত ১৮ জন আমেৰিকান সৈনিকৰ মৃত্যু হৈছিল (ব্লেক হক ডাউন)। আনহাতে ২০২৫ চনৰ ফেব্ৰুৱাৰী মাহত আমেৰিকাই পুনৰ আল-ছাবাব আৰু আইছিছ-ছ’মালিয়াৰ বিৰুদ্ধে তীব্ৰতৰ বিমান আক্ৰমণ কৰে।
ছিৰিয়া আৰু ইৰাকঃ ২০২৫ চনৰ ডিচেম্বৰ মাহত ছিৰিয়াত আইছিছৰ লক্ষ্য নিৰ্ধাৰণ কৰা হৈছিল আৰু ২০২৫ চনৰ মাৰ্চ মাহত ইৰাকত আইছিছৰ এজন কমাণ্ডাৰক লক্ষ্য কৰি লোৱা হৈছিল।
য়েমেনঃ ২০২৫ চনৰ মাৰ্চৰ পৰা মে’ৰ ভিতৰত অপাৰেচন ৰাফ ৰাইডাৰৰ অধীনত আমেৰিকাই য়েমেনত হুথী বিদ্ৰোহীৰ ওপৰত বিমান আৰু নৌসেনাৰ আক্ৰমণ চলায়।
লেটিন আমেৰিকা/কেৰিবিয়ান সাগৰঃ ২০২৫ চনৰ ছেপ্টেম্বৰৰ পৰা আমেৰিকান বাহিনীয়ে কেৰিবিয়ান সাগৰত ড্ৰাগছ সৰবৰাহৰ সন্দেহত নাও আক্ৰমণ কৰে।
নাইজেৰিয়াঃ ২০২৫ চনৰ ডিচেম্বৰ মাহত নাইজেৰিয়াত আইছিছ (আইছিছ)ৰ সৈতে জড়িত গোটসমূহৰ বিৰুদ্ধে আমেৰিকান বাহিনীয়ে আক্ৰমণ চলাইছিল।
ভেনিজুৱেলাঃ জানুৱাৰী ২০২৬ত আমেৰিকাৰ বিশেষ সেনাই ভেনিজুৱেলাৰ ৰাজধানী কাৰাকচত এক বৃহৎ আক্ৰমণ কৰে। যত ৰাষ্ট্ৰপতি নিকোলাচ মাদুৰোক লক্ষ্য কৰি লোৱা হৈছিল।
ইৰাণঃ জুন ২০২৫ত পৰমাণু স্থলত আক্ৰমণৰ পিছত, ২৮ ফেব্ৰুৱাৰীত ২০২৬ত আমেৰিকা আৰু ইজৰাইলে Operation Epic Fury ৰ জৰিয়তে “বৃহৎ পৰিসৰৰ যুদ্ধ বিমানেৰে” নিজৰ অভিযান আৰম্ভ কৰিছে। এই আক্ৰমণত ইৰাণৰ সৰ্বোচ্চ নেতা আয়াতুল্লাহ আলী খামেনেইৰ মৃত্যু হোৱা বুলি এক খবৰ ওলায়।
