৩ বছৰতকৈও অধিক সময় ধৰি ৰাছিয়া আৰু ইউক্ৰেইনৰ মাজত যুদ্ধ অব্যাহত আছে। ২ জুনত দুয়োখন দেশৰ প্ৰতিনিধি দলে ইস্তানবুলত অতি উত্তেজনাপূৰ্ণ পৰিৱেশত আলোচনাত মিলিত হয়।
ইফালে ৩ জুনত ৰাছিয়াই কয় যে, বিগত ২৪ ঘণ্টাত তেওঁলোকৰ সৈন্যই প্ৰায় ১৪০০ ইউক্ৰেইনৰ সৈনিকক শেষ কৰিছে। এক প্ৰতিবেদন অনুসৰি, বিগত ২৪ ঘন্টাত ৰাছিয়াৰ সেনাৰ সৈতে হোৱা যুদ্ধত ইউক্ৰেইনৰ সেনাই ১৪৩০ জনতকৈ অধিক জোৱান হেৰুৱাইছে। ২০২২ চনত যুদ্ধ আৰম্ভ হোৱাৰ পিছতে দুয়োখন দেশে ইখনে আনখনৰ বিৰুদ্ধে আটাইতকৈ ডাঙৰ ড্ৰ’ন আক্ৰমণ চলোৱাৰ পিছতে ৰাছিয়া চৰকাৰৰ এই তথ্য প্ৰকাশ পাইছে।
ৰাছিয়াই দাবী কৰিছে যে, ইউক্ৰেইনৰ যথেষ্ট লোকচান হৈছে। ২ জুনত ৰাছিয়াৰ প্ৰতিৰক্ষা মন্ত্ৰালয়ে তথ্য প্ৰকাশ কৰি ইউক্ৰেইনৰ সেনাই ৰাছিয়াৰ বেটলগ্ৰুপ নৰ্থত ২৪৫ জনতকৈ অধিক সৈনিক, দুটা টেংক আৰু এখন সাজসজ্জিত যুদ্ধ বাহন হেৰুৱাইছিল। বেটলগ্ৰুপ ৱেষ্ট অঞ্চলত ২০৫ জনতকৈ অধিক জোৱানৰ মৃত্যু হোৱাৰ লগতে দুখন টেংক আৰু তিনিখন সাজসজ্জিত যুদ্ধ বাহনৰ ক্ষতিসাধন হৈছে। ৰাছিয়াৰ বেটলগ্ৰুপ চাউথৰ অঞ্চলত ইউক্ৰেইনে ২৭৫ জনতকৈ অধিক সৈনিক আৰু ৫খন সাজসজ্জিত যুদ্ধ বাহন হেৰুৱাইছে।
৩ জুনত ইউক্ৰেইনৰ সশস্ত্ৰ বাহিনীৰ জেনেৰেল ষ্টাফে প্ৰকাশ কৰা তথ্য অনুসৰি, ২০২২ চনৰ ফেব্ৰুৱাৰী মাহত যুদ্ধ আৰম্ভ হোৱাৰ পিছৰে পৰা প্ৰায় ১০ লাখ ৰাছিয়ান সৈনিকৰ মৃত্যু হৈছে।নতুন তথ্য অনুসৰি তিনি বছৰৰ এই যুদ্ধত ৯৯০,৮০০ ৰাছিয়ান সৈন্য নিহত হৈছে, ইয়াৰে ১১০০ জন সৈনিক বিগত ২৪ ঘণ্টাত নিহত হৈছে।
জেনেৰেল ষ্টাফে লগতে কয় যে, ৰাছিয়াই ১০,৮৮১খন টেংক, ২২,৬৭১খন সাজসজ্জিত যুদ্ধ বাহন, ৫০,৬০৭খন বাহন আৰু ইন্ধনৰ টেংক, ২৮,৬২৩খন আৰ্টিলাৰীৰ টুকুৰা, ১,৪০২টা মাল্টিপল লঞ্চ ৰকেট চিষ্টেম, ১,১৭৬টা এয়াৰ ডিফেন্স চিষ্টেম, ৩৮৪খন বিমান, ৩৩৬খন হেলিকপ্টাৰ, ৩৮,৭৪৮খন ড্ৰ’ন, ২৮খন জাহাজ আৰু নাও আৰু এখন চাবমেৰিন।
