১৭ মাৰ্চত দিল্লীৰ যন্তৰ মন্তৰত ৱাকফ সংশোধনী বিধেয়কৰ বিৰুদ্ধে লাখ লাখ মুছলমানৰ সমাৱেশ হ’ব। ৱাকফৰ সম্পত্তি সুৰক্ষিত কৰিবলৈ সৰ্বভাৰতীয় মুছলিম ব্যক্তিগত আইন ব’ৰ্ডে (AIMPLB) ভাৰতৰ মুছলমান সকলক এই বিধেয়কখনৰ বিৰুদ্ধে প্ৰতিবাদ কৰিবলৈ যন্তৰ মন্তৰত উপস্থিত হ’বলৈ আহ্বান জনাইছে।
অল ইণ্ডিয়া মুছলিম পাৰ্চনেল ল’ ব’ৰ্ডে ভাৰতৰ মুছলমান সকলক কণ্ঠ দিছে বুলি AIMPLB য়ে জনায়।
অল ইণ্ডিয়া মুছলিম পাৰ্চনেল ল’ ব’ৰ্ডে পোষ্টাৰ জাৰি কৰি কয় যে, ভাৰতীয় মুছলমানসকলে উপলব্ধি কৰিছে যে, ৱাকফ সংশোধনী বিধেয়কখন ৱাকফ দখল কৰাৰ এক সুপৰিকল্পিত ষড়যন্ত্ৰ, যি কোনো ৰূপতে মানি লোৱা নহয়। মিল্লাট-ই-ইছলামিয়াই নাকচ কৰে এই ৱাকফ সংশোধনী বিধেয়ক।
বিগত ১৩ মাৰ্চত দিল্লীৰ যন্তৰ মন্তৰত ৱাকফ বিধেয়কৰ বিৰুদ্ধে প্ৰতিবাদ সাব্যস্ত কৰাৰ কথা ঘোষণা কৰিছিল সৰ্বভাৰতীয় মুছলিম ব্যক্তিগত আইন ব’ৰ্ডে। ব’ৰ্ডৰ মুখপাত্ৰ এছকিউআৰ ইলিয়াছে কয় যে, ১৩ মাৰ্চত এই প্ৰতিবাদৰ কথা আছিল যদিও হোলী বন্ধৰ বাবে এই প্ৰতিবাদ স্থগিত ৰখা হয়। লগতে তেওঁ কয় যে, এই প্ৰতিবাদৰ বাবে বহু সাংসদকো আমন্ত্ৰণ জনোৱা হৈছে।
অল ইণ্ডিয়া মুছলিম পাৰ্চনেল ল’ ব’ৰ্ডে কয় যে, এয়া মুছলমানৰ ওপৰত প্ৰত্যক্ষ আক্ৰমণ। ব’ৰ্ডৰ মুখপাত্ৰ ইলিয়াছে কয় যে, তেওঁলোকে আশা কৰে যে সংসদৰ যুটীয়া সমিতিয়ে তেওঁলোকৰ এই পৰামৰ্শসমূহ বিবেচনা কৰিব। কিন্তু তেওঁলোকৰ মতামত বিবেচনা কৰা হোৱা নাছিল বা বিৰোধী দলসমূহে প্ৰস্তাৱ কৰা সংশোধনীসমূহো অন্তৰ্ভুক্ত কৰা হোৱা নাছিল।
তেওঁ কয় যে, সংসদীয় পেনেলে বিচৰা পৰামৰ্শৰ প্ৰতি সৰ্বভাৰতীয় মুছলিম ব্যক্তিগত আইন ব’ৰ্ডে ইমেইলৰ জৰিয়তে ৩.৬ কোটিৰো অধিক সঁহাৰি প্ৰদান কৰিছে। AIMPLB-এ কয় যে চৰকাৰে এই সংশোধনীসমূহ তেওঁলোকৰ ওপৰত জাপি দিব বিচাৰিছে বুলিও তেওঁ উল্লেখ কৰে।
