৫ এপ্ৰিলত গভীৰ নিশা ৰাষ্ট্ৰপতি দ্ৰৌপদী মুৰ্মুৱে ৱাকফ সংশোধনী বিধেয়ক ২০২৫ত অনুমোদন জনায়। বিশিষ্ট মুছলমান সংগঠন জমিয়ত উলেমা-ই-হিন্দে এইখন এখন মুছলমানৰ ধৰ্মীয় স্বাধীনতা কাঢ়ি নিয়াৰ এক বিপজ্জনক ষড়যন্ত্ৰ বুলি দাবী কৰি ৱাকফ সংশোধনী আইন ২০২৫ৰ সাংবিধানিক বৈধতাক প্ৰত্যাহ্বান জনাই উচ্চতম ন্যায়ালয়ত আবেদন দাখিল কৰিছে।
উল্লেখ্য যে, ৰাষ্ট্ৰপতি দ্ৰৌপদী মুৰ্মুৱে ৫ এপ্ৰিলত সংসদৰ দুয়োটা সদনত ক্ৰমে লোকসভা আৰু ৰাজ্যসভাত উত্তপ্ত বিতৰ্কৰ অন্তত পূৰ্বে গৃহীত হোৱা ৱাকফ সংশোধনী বিধেয়ক ২০২৫ত সন্মতি প্ৰদান কৰে। একে সময়তে এই বিধেয়কখনৰ বৈধতাক প্ৰত্যাহ্বান জনাই বিৰোধীয়ে উচ্চতম ন্যায়ালয়ত কেইবাখনো আবেদন দাখিল কৰিছে।
ইয়াৰ ভিতৰত কেৰালাৰ চুন্নী মুছলিম উলেমাৰ ধৰ্মীয় সংগঠনটোও অন্তৰ্ভুক্ত। ‘অল কেৰালা জমিয়ত উল উলেমা’ৰ অধিবক্তা জুলফিকাৰ আলী পি এছৰ দ্বাৰা মুছলমান সংগঠন জমিয়ত উলেমা-ই-হিন্দে উচ্চতম ন্যায়ালয়ত আবেদন দাখিল কৰে।
জমিয়তে সংবাদমেলত কয় যে, এই বিধেয়কখন মুছলমানৰ ধৰ্মীয় স্বাধীনতা কাঢ়ি লোৱাৰ এক বিপজ্জনক ষড়যন্ত্ৰ। সেয়েহে তেওঁলোকে ৱাকফ সংশোধনী আইন ২০২৫ক উচ্চতম ন্যায়ালয়ত প্ৰত্যাহ্বান জনাইছে লগতে জমিয়ত উলেমা-ই-হিন্দৰ ৰাজ্যিক ইউনিটসমূহেও নিজৰ নিজৰ ৰাজ্যৰ উচ্চ ন্যায়ালয়ত এই আইনখনৰ সাংবিধানিক বৈধতাক প্ৰত্যাহ্বান জনাব।
জমিয়ত উলেমা-ই-হিন্দৰ সভাপতি মৌলানা আৰ্ছাদ মাদানীয়ে কেৱল ৱাকফ সংশোধনী আইনৰ বিভিন্ন বিধানক প্ৰত্যাহ্বান জনোৱাই নহয়, এই আইনৰ কাৰ্যকৰীকৰণ বন্ধ কৰিবলৈ আদালতত অন্তৱৰ্তীকালীন আবেদন দাখিল কৰিছে।
তেওঁ যে, এই সংশোধনীসমূহে ৱাকফৰ ধৰ্মীয় পৰিচয় সম্পূৰ্ণৰূপে ধ্বংস কৰিব আৰু ৱাকফ ব’ৰ্ডৰ প্ৰশাসনৰ গণতান্ত্ৰিক প্ৰক্ৰিয়াৰো ক্ষতি কৰিব।
