পতি-পত্নীৰ মাজত বিবাহ-বিচ্ছেদ হোৱাৰ কাহিনী আপুনি বহুত শুনিছে। বিভিন্ন বিষয়ত পতি-পত্নীৰ মাজত বিবাহ বিচ্ছেদ হয়। বৰ্তমান সময়ত ভাৰতত বৃদ্ধি পাইছে বিবাহ বিচ্ছেদৰ সংখ্যা।
এইবাৰ পতিয়ে গা-ধুই আহি বিচনাত টাৱেল ৰখাৰ বাবে বিবাহ বিচ্ছেদ হ’বলৈ ওলাইছে। লেতেৰা কাপোৰৰ দ’ম বিচনাত থোৱাৰ বাবে পত্নীয়ে বিৰক্তি অনুভৱ কৰি বিবাহ বিচ্ছেদৰ কথা ৰাজহুৱা কৰিছে।
পত্নীয়ে কৈছিল যে, স্বামীয়ে এই অভ্যাস সলনি নকৰে। ইয়াকে লৈ দুয়োৰে মাজত বহুতো কাজিয়াৰ সূত্ৰপাত হৈছে। তথাপিও সলনি কৰা নাই স্বামীয়ে অভ্যাস। যাৰ বাবে স্বামীৰ সৈতে থাকিব নিবিচাৰে পত্নীয়ে।
ছ’চিয়েল মিডিয়াত এটা পোষ্ট শ্বেয়াৰ কৰি কৈছিল যে, তেওঁ স্বামীৰ অভ্যাসত বিৰক্তি অনুভৱ কৰিছে। লগতে স্পষ্ট কৰি দিছিল যদি স্বামী এতিয়াও অভ্যাস সলনি কৰিব বিচাৰে তেতিয়াহলে বিবাহ বিচ্ছেদ নকৰে বুলিও মন্তব্য পত্নীৰ।
স্বামীয়ে প্ৰায় বিচনাখন নষ্ট কৰে। বাহিৰৰ পৰা আহি বিচনাখনত লেতেৰা কাপোৰ পেলাই দিয়ে। নাইবা তেওঁ বাহিৰৰ পৰা অহা কাপোৰ সলনি নকৰে। সেই লেতেৰা কাপোৰেৰে শুই থাকে স্বামীয়ে।
উল্লেখ্য যে, মহিলাগৰাকীৰ স্বামী এজন ৰান্ধনী। তেওঁৰ কাপোৰবোৰ সদায় তেল আৰু মচলাৰে দাগ যুক্ত হৈ থাকে। যেতিয়াই তেওঁ ঘৰলৈ আহে মই তেওঁক কাপোৰ সলনি কৰিবলৈ কওঁ। কিন্তু তেওঁ মোৰ কথা নুশুনে। যাৰবাবে আমি পৃথকে থকাটো উচিত বুলি মন্তব্য কৰিছে পত্নীয়ে।
একে সময়তে মহিলাগৰাকীয়ে কৈছিল, মই বিবাহ বিচ্ছেদ হোৱাৰ কথা ভবা নাই। যদি মোৰ স্বামী এতিয়াও মোৰ আজ্ঞা পালন কৰিবলৈ সাজু হয় মই বিবাহ বিচ্ছেদ নকৰো। কাৰণ মই তেওঁক ভাল পাওঁ। কিন্তু মই নাভাবো যে তেওঁ নিজৰ স্বভাৱ উন্নতি কৰিব।
