সকলোৱে নিজকে ধুনীয়া কৰি ৰাখিব বিচাৰে। মহিলায়েই হওক অথবা পুৰুষেই হওক, সকলোৱে নিজৰ সৌন্দৰ্যক লৈ সচেতন হোৱা পৰিলক্ষিত হয়। পিছে নিজৰৰ ছালখন সুস্থ কৰি ৰাখিবলৈ ছালৰ সঠিক যত্ন লোৱাটো আটাইতকৈ গুৰুত্বপূৰ্ণ।
আকৌ শীতকাল আৰম্ভ হোৱাৰ লগে লগে আমাৰ ছাল শুকান হ’বলৈ আৰম্ভ কৰে। শুকান বতাহৰ ফলত, ছালৰ আৰ্দ্ৰতা হ্ৰাস হ’বলৈ আৰম্ভ কৰে। যাৰ ফলত এই সময়ত ছাল শুকান হোৱাৰ উপৰিও, ছালত খজুৱতি, আঁচোৰ আৰু ৰঙা পৰাৰ দৰে লক্ষণ দেখা যায়।সেয়েহে বতৰৰ পৰিৱৰ্তন হ’লে স্বাস্থ্যৰ লগতে ছালৰ যত্ন লোৱাটো অতি গুৰুত্বপূৰ্ণ।
স্ক্ৰীণ হাইড্ৰেচন
ছালখন সুস্থ, উজ্জ্বল কৰি ৰাখিবলৈ আৰু বলিৰেখা আৰু মিহি ৰেখাৰ সমস্যাৰ পৰা হাত সাৰিবলৈ ছালখন আৰ্দ্ৰতাত থকাটো গুৰুত্বপূৰ্ণ। ছালৰ হাইড্ৰেচনৰ বাবে প্ৰতিদিনে মইশ্ব’ৰাইজাৰ প্ৰয়োগ কৰিব লাগে, যিয়ে ছালখনক দীৰ্ঘদিন ধৰি হাইড্ৰেটেড কৰি ৰাখে। ইয়াৰ বাহিৰেও প্ৰচুৰ পৰিমাণে পানী খাই থাকিব।
ছানস্ক্ৰীণৰ ব্যৱহাৰ
বেছিভাগ ভাৰতীয়ই ছানস্ক্ৰীণ ব্যৱহাৰ নকৰে। পিছে আমাৰ ছালখন সুস্থ কৰি ৰাখিবলৈ দৈনিক ছানস্ক্ৰীণ প্ৰয়োগ কৰাটো গুৰুত্বপূৰ্ণ। ইয়াৰ ফলত UV ৰশ্মিৰ পৰা সুৰক্ষা পোৱা যায় আৰু ছালৰ ক্ষতি নহয়, যাৰ বাবে অকাল বয়স বৃদ্ধি হোৱাৰ ভয় নাথাকে।
মুখৰ যোগাসন
ছালখন সুস্থ কৰি ৰাখিবলৈ কেইমিনিটমানৰ বাবে ফেচ যোগা কৰিব লাগে। ইয়াৰ কাৰণে বৃদ্ধ বয়সতো ভাল ফল দেখা যায়। মুখৰ যোগাসন কৰিলে বলি ৰেখা উন্নত হয়। ইয়াৰ ফলত ছালৰ সোঁতোৰা অৱস্থাও কমি যায়।
ডাবল ক্লিনজিং
ডাবল ক্লিনিং মানে হ’ল ছালত জমা হোৱা ধূলি আৰু মলিৰ উপৰিও ছিদ্ৰত জমা হোৱা অশুদ্ধি আৰু মেকআপৰ কণাবোৰ পৰিষ্কাৰ কৰা। ইয়াৰ বাবে ছালৰ পৰা অতিৰিক্ত তেল ওলাই নাযায় আৰু পিম্পলৰ সম্ভাৱনাও কম হয়। মুখ ধোৱাৰ উপৰিও ক্লিনজিং অইল বা ক্লিনজিং বামেৰে মুখখন মালিচ কৰিব লাগে, ইয়াৰ পিছত গৰম পানীত কোমল কাপোৰ এখন তিয়াই চেপি চেপি তাৰে মুখখন পৰিষ্কাৰ কৰিব লাগে। ইয়াৰ পিছত মুখখন ধুব লাগে।
স্ক্ৰীণ এক্সফোলিয়েট
প্ৰতি সপ্তাহত ছালখন এক্সফোলিয়েট কৰিব লাগে। ইয়াৰ বাবে সকলোৱে নিজৰ ছালৰ ধৰণ অনুসৰি যিকোনো স্ক্ৰাব লৈ আঙুলিৰে কোমল মালিচ কৰি ৫ মিনিটৰ বাবে মুখখন ধুব পাৰে। ইয়াৰ ফলত ছালখন গভীৰভাৱে পৰিষ্কাৰ হ’ব আৰু ছালৰ মৃত কোষবোৰো আঁতৰি যায়। এক্সফোলিয়েচনে হোৱাইট হেড আৰু ব্লেক হেডৰ কমায় আৰু লগতে ছালৰ টেক্সচাৰ উন্নত কৰে।
